वाचा:
शहराचा अभ्यास करून रूपरेषा ठरवली जाणार असल्याचे कृष्ण प्रकाश यांनी यावेळी सांगितले. ते पुढे म्हणाले, राज्याचे औद्योगिक आणि आयटी हब म्हणून पिंपरी चिंचवडकडे पाहिले जाते. त्यामुळे येथील प्रश्न भिन्न असून, माथाडींच्या नावाखाली चालणारी गुंडगिरी मोडून काढली जाणार आहे. पांढरपेशा लोक वेगवेगळ्या पद्धतीचा अवलंब करून गुन्हे करीत आपला प्रभाव निर्माण करणारे असू शकतात. त्यामुळे या लोकांसाठी स्ट्रॅटेजी आखली जाणार आहे. लोकांनी बेकायदेशीर उद्योग करू नयेत. या बाबींना माझ्यालेखी थारा नाही. कायद्याला धरून काम करणाऱ्या प्रत्येक माणूस आणि पोलिसांच्या मी सदैव पाठीशी असणार आहे, असेही कृष्ण प्रकाश यांनी नमूद केले.
वाचा:
दिशाहीनतेमुळे काही बाल गुन्हेगार असू असतात. या सर्वांना आधी समजावण्याचा प्रयत्न करणार. तरीही ते गुन्हे करीत राहिले तर मग कारवाई करणार, असा इशारा आयुक्त कृष्ण प्रकाश यांनी दिला. समस्येचे कारण जाणून घेऊन कारवाईला सुरुवात करणार. महिला, वृद्ध, बालके यांच्यासाठी एनजीओ च्या मदतीने काम करणार आहे. प्रत्येक अधिकारी कर्मचारी यांच्याकडून शहर आणि त्यांच्याही समस्या जाणून घेणार आहे. झीरो टॉलरन्स हे माझे उद्दिष्ट असल्याचेही त्यांनी सांगितले.
नागरिकांसाठी आयुक्तांचा मोबाइल क्रमांक
नवनियुक्त पोलिस आयुक्त कृष्ण प्रकाश यांनी त्यांचा ८८०५०८११११ हा क्रमांक जाहीर केला आहे. नागरिकांनी या क्रमांकावर फोन करण्याऐवजी मेसेज अथवा एसएमएस करावा, असे आवाहन त्यांनी केले आहे. एखादी गंभीर घटना आथवा बाका प्रसंग असल्यासच फोन करावा असे आवाहन कृष्ण प्रकाश यांनी केले आहे.
वाचा:
कॅटचा वाद मिटला
शहराचे मावळते पोलीस आयुक्त यांची शासनाने मुदतपूर्व बदली केली आहे. त्यामुळे ते या बदली विरोधात कॅट (न्यायाधिकरण) मध्ये दाद मागणार असल्याचे बोलले जात होते. तसेच त्यांनी याबाबत तयार केलेला अर्ज शुक्रवारी सोशल मीडियावर व्हायरल झाला होता. परंतु, कृष्ण प्रकाश यांनी पदभार घेण्यापूर्वी शनिवारी संदीप बिष्णोई यांनी कॅट मध्ये जाणार नसल्याचे स्पष्ट केले. तसेच याबाबत नवनियुक्त आयुक्त कृष्ण प्रकाश यांनी त्यांच्या खास शैलीत बोलणे टाळले.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
