वाचा:
ठाणे रेल्वे स्टेशन जवळीत चाळीत राहणाऱ्या या ७० वर्षीय जेष्ठ नागरिकावर २१ ऑगस्टपासून कोविड रुग्णालयात उपचार सुरू होते. सध्या ते आयसीयूमध्ये दाखल होते. तसेच त्यांची प्रकृती स्थिर होती. मात्र आज दुपारी ४ वाजता अचानक त्यांनी ऑक्सिजनच्या नळ्या काढून टाकल्या व तिसऱ्या मजल्यावरील खिडकीतून खाली उडी मारत आत्महत्या केली. त्यांचा जागीच मृत्यू झाल्याची माहिती पोलिसांनी दिली.
जुलै महिन्यात भिवंडीमध्ये विलगीकरण केंद्राच्या पाचव्या मजल्यावरुन उडी घेत एका करोना बाधित रुग्णाने देखील आत्महत्या केली होती. त्यानंतर जिल्ह्यातील अशाप्रकारची ही दुसरी घटना घडली आहे. या घटनेने पालिका आरोग्य यंत्रणा हादरली आहे.
वाचा:
दरम्यान, ठाण्यातील करोना स्थिती अद्याप नियंत्रणाबाहेर आहे. ठाणे शहर व जिल्ह्यातील करोना बाधित रुग्णांचा आकडा वाढतच चालला आहे. ठाण्यातील एकूण रुग्णसंख्या आता १ लाख ४३ हजार १७८ इतकी झाली असून त्यातील १ लाख १४ हजार २७२ रुग्णांनी करोनावर मात करण्यात यश मिळवले आहे तर ३ हजार ९६४ रुग्णांचा करोनाने मृत्यू झाला आहे. सध्या ठाणे जिल्ह्यात करोनाचे २४ हजार ९४१ इतके अॅक्टिव्ह रुग्ण आहेत.
वाचा:
करोना मृत्यूदर वाढताच
राज्यात करोना मृत्यूदर सध्या २.९३ टक्के इतका असून हा चिंतेचा विषय ठरला आहे. अनेक प्रयत्न करूनही मृत्यूदर कमी झालेला नाही. राज्यात करोनामृत्यूंचा आकडा आणखी ३२८ ने वाढला आहे. करोनाबळींचा एकूण आकडा आता २६ हजार ६०४ इतका झाला आहे. नव्याने नोंद करण्यात आलेल्या ३२८ मृतांपैकी २४३ मृत्यू हे मागील ४८ तासांतील आहेत तर ४३ मृत्यू हे मागील आठवड्यातील असल्याचे नमूद करण्यात आले आहे. उर्वरित ४२ मृत्यू हे एक आठवड्यापेक्षा अधिक कालावधीपूर्वीचे असल्याचे स्पष्ट करण्यात आले आहे.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
