नवी दिल्ली : तुम्ही अनेक उद्योगपतींच्या यशोगाथा ऐकल्या असतील ज्यात उदाहरणे दिली जातात की एका विशिष्ट व्यक्तीने आपल्या पत्नीचे दागिने गहाण ठेवून व्यवसाय सुरू केला, तर कोणाच्या वडिलांनी व्यवसाय सुरू करण्यासाठी लाख रुपये दिले आणि आज ही व्यक्ती करोडो रुपयांची कंपनी चालवत आहे. साधारणपणे प्रत्येक यशस्वी उद्योगपतीशी संबंधित अशा अनेक प्रवास गाथा आपल्याला ऐकायला मिळतात, ज्यांनी आपल्या मेहनतीने एक मोठे व्यावसायिक साम्राज्य उभे केले.

आम्ही तुम्हाला अशाच एका यशस्वी व्यावसायिकाची कहाणी सांगणार आहोत, ज्याने आपल्या पत्नीकडून मिळालेल्या प्रोत्साहनाने काहीतरी मोठे करण्याचा विचार केला आणि स्वप्न साकार करण्यात यश मिळवले. आपल्या आयुष्याच्या साथीदाराच्या मदतीने संजीव बिकचंदानी यांनी लोकांना चांगली नोकरी आणि आयुष्याच्या साठीशी जोडण्याचे काम सुरू केले. आता याचा काय अर्थ असं तुम्हाला वाटत असेल तर आम्ही तुम्हाला सांगतो की संजीव बिकचंदानी हे Naukri.com आणि Jeevansathi.com या वेबसाइटची मूळ कंपनी इन्फोएजचे मालक आहेत.

राष्ट्रपती भवनात जन्म, परदेशात शिक्षण; नेते-अभिनेत्यांचे केस कापून उभारला शेकडो कोटींचा ब्रँड
पत्नीचे पाठबळ अन् सोडली नोकरी
इन्फोइजचे मालक अब्जाधीश उद्योगपती संजीव बिखचंदानीच्या कंपनीने इतर अनेक व्यवसायातही गुंतवणूक केली आहे. शालेय जीवनापासून संजीव बिकचंदानी यांना स्वतःचे काहीतरी करण्याची इच्छा होती. नोकरी सोडून व्यवसाय सुरू करणं तितकं सोपं नव्हते त्यामुळे ते तन्मयतेने काम करत राहिले आणि त्यासोबतच व्यवसायाचे नियोजनही करत राहिले.

पत्नीच्या पगारातून घरखर्च भागवला
आपले स्वप्न पूर्ण करण्यासाठी संजीव बिकचंदानी यांना पत्नी सुरभी यांनी खूप साथ दिली. संजीव आणि सुरभी या दोघांनी लग्नापूर्वी इंडियन इन्स्टिट्यूट ऑफ मॅनेजमेंट (IIM) अहमदाबादमध्ये शिक्षण घेतले होते. शिक्षण पूर्ण केल्यानंतर संजीव प्रसिद्ध कंपनी ग्लॅक्सोस्मिथक्लाइनमध्ये रुजू झाले आणि अखेर १९९० मध्ये संजीव यांनी स्वतःचा व्यवसाय सुरू करण्याचा निर्णय घेतला.

क्रिकेटर होण्याचं स्वप्न भंगलं, आता आशियातील सर्वात श्रीमंत बँकर; मैदानावरील घटनेने कलाटणी
संजीव बिकचंदानी सांगतात की, मी स्वत:ला भाग्यवान समजतो कारण जेव्हा सुरभीने नोकरी सोडून स्वतःचा व्यवसाय सुरू करण्याचा निर्णय घेतला तेव्हा ती काम करत होती. अशा कठीण काळात सुरभीला मिळालेल्या पगाराने तिला कठीण प्रसंगांना सामोरे जाण्याची हिंमत दिली. खरं तर व्यवसाय सुरू केल्यानंतर अनेक वर्षे संजीव बिकचंदानी यांना फारसे उत्पन्न मिळाले नाही.

पैशांची चणचण, रेल्वे स्टेशनवर झोपले; १ हजार रुपयांनी नशीब पालटलं, उभी केली ३५००० कोटींची कंपनी
७ वर्षानंतर पदरात यश पडले
१९९० मध्ये संजीव यांनी वडिलांच्या गॅरेजमध्ये सेकंड-हँड संगणक आणि फर्निचरसह इन्फो एज (इंडिया) ची सुरूवात केली. बिकचंदानीच्या व्यवसायाला १९९७ कलाटणी मिळाली जेव्हा त्यांनी Naukri.com ची सुरूवात केली, ज्याला प्रचंड यश मिळाले. याशिवाय त्यांनी jeevasathi.com, 99acres.com, shiksha.com ही इतर प्रमुख वेब पोर्टल्सही सुरू केली. तर झोमॅटो आणि पॉलिसीबाजार सारख्या कंपन्यांमध्ये त्यांची हिस्सेदारी आहे.

डीएनए अहवालानुसार इन्फो एज इंडियाचे मार्केट कॅप सध्या ५७ हजार ५०० कोटी रुपये असून फोर्ब्स मासिकानुसार संजीव बिकचंदानी यांची एकूण संपत्ती २.३ अब्ज डॉलर (सुमारे १९ हजार कोटींहून अधिक) आहे.

LEAVE A REPLY

Please enter your comment!
Please enter your name here