मुंबई : जगभरातील भांडवली बाजारातील पडझडीचे पडसाद भारतीय बाजारांवर उमटले. शुक्रवारी निर्देशांकांनी सपाटून मार खाल्ला. ज्यात ६३३ अंकांनी कोसळला. निफ्टीने १९३ अंकांची आपटी घेतली. दोन्ही निर्देशांकांवर विक्रीचा दबाव आहे. जगभरातील करोनाचे संकट काही केल्या कमी होत नसून चीनमध्ये पुन्हा नव्याने करोना रुग्ण आढळून आले आहेत. त्यामुळे आज भांडवली बाजारावर दबाव कायम राहील, असा अंदाज जाणकार व्यक्त करत आहेत.

अमेरिकन भांडवली बाजारात देखील शुक्रवारी घसरण झाली. अमेरिकन अर्थव्यवस्थेची स्थिती आणखी खालावली आहे. यंदा अमेरिकेला ३३०० अब्ज डॉलर्सचा महसुली तोटा होण्याचा अंदाज व्यक्त करण्यात आला आहे. साहजिक त्यामुळे गुंतवणूकदार धास्तावले आहेत. त्यामुळे शुक्रवारी आठवड्याच्या शेवटच्या सत्रात वॉल स्ट्रीटवरील निर्देशांक कोसळले. त्यामुळे या आठवड्यात आशियातील बाजार दबावात राहील, असे विश्लेषकांचे म्हणणे आहे. निफ्टीने ११४३० ची गाठली तर पुढे तो ११५०० पर्यंत वाढेल असा अंदाज काहींनी व्यक्त केला आहे. बाजारात अनिश्चितता वाढली आहे. त्यामुळे VIX निर्देशांक ८.०५ टक्क्यांनी वधारून २२.१५२५च्या पातळीवर गेला आहे.

दरम्यान, आशियायील बहुतांश शेअर बाजाराची सुरुवात नकारात्मक झाली आहे. सिंगापूर निफ्टी १८ अंकांच्या घसरणीसह ट्रेड करत आहे. जपान, ऑस्ट्रेलिया, दक्षिण कोरिया आणि न्यूझीलंड आदी निर्देशांक ०.४ टक्के ते ०.१ टक्क्यांनी घसरले आहेत. करोना आणि आर्थिक विकासाची निराशाजनक आकडेवारीने धास्तावलेल्या गुंतवणूकदारांनी शुक्रवारी जोरदार विक्री सुरु केली. यामुळे सेन्सेक्स ६५० अंकांनी कोसळला. निफ्टीत १४० अंकांची घसरण झाली आहे. अवघ्या तासभरात गुंतवणूकदारांना दोन लाख कोटींचा फटका बसला होता.

सौदी अरेबियाने तेलाच्या उत्पादनात मोठी कपात केल्याने सोमवारी जागतिक बाजारपेठेत कच्च्या तेलाचा भाव १ डॉलरने कमी झाला. ब्रेंट क्रूड ९१ सेंट्सने कमी होऊन प्रती बॅरल ४१.७५ डॉलर झाला.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here