अमेरिका आणि चीनकडून लवकरात लवकर लस विकसित करण्याच्या प्रयत्नात आहेत. चीनचे गुप्तचर करोनावरील लशीचा डेटा मिळवण्यासाठी अमेरिकन विद्यापीठे, औषध कंपन्याच्या नेटवर्किंगमध्ये हेरगिरी करत असल्याचा आरोप याआधीच करण्यात आला होता. मात्र, चिनी हेर यांच्याकडून विद्यापीठांवर अधिक लक्ष केंद्रीत केले गेले आहे. औषध कंपन्यापेक्षा विद्यापीठांची हेरगिरी करणे अधिक सोपे आहे. करोना लशीबाबत संशोधन सुरू असलेल्या नॉर्थ कॅरोलिना विद्यापीठ आणि अन्य काही संस्थांची डिजीटल हेरगिरी सुरू असल्याची चर्चा आहे. सरकारी पाठबळ असलेल्या चीनच्या हॅकर्सने अमेरिकेच्या मॉडर्ना इंक कंपनीवर सायबर हल्ला केला असल्याचा दावा अमेरिकेच्या अधिकाऱ्यांनी केला होता.
वाचा:
जुलै महिन्यात अमेरिकेच्या न्याय विभागांनी दोन चिनी नागरिकांवर अमेरिकेत हेरगिरी करत असल्याचा आरोप केला होता. ज्या ठिकाणी हेरगिरी करत असल्याचा आरोप झाला त्यातील तीन ठिकाणे ही
संशोधन सुरू आहे. चीनच्या हॅकर्सने जानेवारीमध्ये मॅसच्यूसेटच्या एका बायोटेक कंपनीच्या नेटवर्कची रेकी केली होती. ही कंपनी करोनाच्या लशीवर काम करत आहे. या माहितीच्या आधारे ही कंपनी मॉडर्ना इंक कंपनी असण्याची दाट शक्यता आहे. अमेरिकेची फेडरल ब्युरो ऑफ इन्वेस्टिगेशन (एफबीआय) ही मॉडर्ना कंपनीच्या संपर्कात असल्याचे मॉडर्ना कंपनीने म्हटले आहे.
वाचा:
रशियाचे गुप्तहेरांची नजर ‘या’ देशांवर!
करोना लस स्पर्धेत फक्त चीनच नव्हे तर रशियाची गुप्तचर संस्था एसवीआरने देखील अमेरिका, ब्रिटन आणि कॅनडामध्ये हेरगिरी सुरू केल्याचा आरोप याआधी करण्यात आला आहे. रशिया हेरगिरी करत असल्याचा आरोप सर्वप्रथम फायबर ऑप्टिक केबल्सवर लक्ष ठेवणाऱ्या ब्रिटनच्या गुप्तचर संस्थेने केला होता. इराणनेदेखील करोना लशीच्या संशोधनाला चोरण्याचा प्रयत्न केला असल्याचा आरोप करण्यात येत होता.
वाचा:
अमेरिकेकडूनही हेरगिरी
अमेरिकेनेदेखील आपल्या विरोधी देशांविरोधातील हेरगिरी तीव्र केली आहे. त्याशिवाय अमेरिकेतील अनेक महत्त्वाच्या संस्थांची सुरक्षिता वाढवली आहे. जगभरातील देशांमध्ये करोना स्पर्धा सुरू असताना आता गुप्तचर संस्थांमध्येही तीव्र स्पर्धा सुरू झाल्याचे चित्र आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
