एपीएल अपोलो ट्यूब्स शेअर्सचा जोरदार परतावा
स्ट्रक्चरल स्टील ट्यूब कंपनी एपीएल अपोलो ट्यूब्सच्या शेअर्सने दोन दिवसांपूर्वी विक्रमी उच्चांक गाठला होता तर दीर्घ कालावधीत स्टॉकने फक्त १० वर्षात गुंतवणूकदारांना श्रीमंत केले. विशेष म्हणजे दीर्घकालावधीतच नाही तर हा स्टॉक अपलावधीतही पैसे छापण्याची मशीन सिद्ध झाला आहे.
शेअर बाजारातून बाहेर पडणार ही कंपनी, डीलिस्टिंगला हिरवा कंदील; गुंतवणूकदारांचं नेमकं काय होणार?
विक्रमी उच्चांकावर शेअरचा भाव
दोन दिवसांपूर्वी १० महिन्यांत ८२ टक्क्यांहून अधिक उसळी घेत एपीएल अपोलो ट्यूब्सचा शेअर विक्रमी उच्चांकावर पोहोचला होता. तर या विक्रमी पातळीपासून स्टॉक सध्या पाच टक्क्यांनी घसरले आहे परंतु बाजार तज्ञांच्या मते, ही खरेदी करण्याची सुवर्णसंधी मानली गेली पाहिजे. देशांतर्गत ब्रोकरेज फर्म शेअरखानच्या मते सध्याच्या पातळीपासून शेअरमध्ये सुमारे १७ टक्क्यांनी तेजी येण्याची शक्यता असून सध्या शेअर्सची किंमत १७१५.१५ रुपये आहे.
१५ रुपयांच्या शेअरने गुंतवणूकदार कोट्याधीश
१३ सप्टेंबर २०२३ रोजी APL अपोलो ट्यूब्सचे शेअर्स फक्त १५ रुपयांना उपलब्ध होते तर आता शेअरच्या किंमतीत ११३३४ टक्क्यांनी वाढ झाली असून भाव १७१५.१५ रुपयांवर आला आहे, म्हणजेच अवघ्या १० वर्षांत ८८ हजार रुपयांच्या गुंतवणुकीने गुंतवणूकदारांना करोडपती बनवले आहे. तथापि, शेअरने फक्त दीर्घ मुदतीत चांगला परतावा दिला असे नाही तर अल्पावधीतही या कंपनीच्या शेअरने उत्कृष्ट कमाई केली आहे.
अगदी कवडीमोल भावात मिळणाऱ्या शेअरने छप्परफाड कमाई, 18 पैशांच्या स्टॉकने बनवले करोडपती
गेल्या वर्षी १० नोव्हेंबर २०२२ रोजी स्टॉक ९९० रुपयांच्या एका वर्षाच्या नीचांकी पातळीवर होता. तर आता १० महिन्यांत शेअरने ८२% हून अधिक उडी घेतली आणि ६ सप्टेंबर २०२३ रोजी १८०६.२० रुपयांच्या विक्रमी उच्चांकावर पोहोचला. मात्र, प्रॉफिट बुकींगमुळे शेअरमध्ये मंदी आली आणि सध्या या पातळीपासून पाच टक्क्यांनी खाली घसरला.
याला म्हणतात बम्पर परतावा; शेअरने गुंतवणूकदारांचे नशीब बदलले, फायदा घेण्यासाठी वाचा सविस्तर
काय करते APL अपोलो ट्यूब्स कंपनी
एपीएल अपोलो ट्यूब्स ही देशातील सर्वात मोठी स्ट्रक्चरल स्टील ट्यूबिंग कंपनी असून सरकारी प्रकल्प, पायाभूत सुविधा आणि रुग्णालयांमध्ये त्याचा वापर झपाट्याने वाढत आहे आणि आर्थिक वर्ष २०३० पर्यंत १६ मेट्रिक टनांपर्यंत दुप्पट होऊ शकतो. देशाच्या पोलाद वापरातील त्याचा वाटा सध्याच्या ६% वरून ८% पर्यंत वाढेल.
