दादा की साहेब? तळ्यात मळ्यात भूमिका असलेल्या आमदाराला दणका, खास नेत्याला तयारीला लागण्याचे शरद पवारांचे आदेश
याच पार्श्वभूमीवर अमित ठाकरे उद्या पुणे दौऱ्यावर असून ते पुण्यातील पदाधिकाऱ्यांची बैठक घेणार आहेत. पक्ष बांधणी, उमेदवार निवड, प्रचार अशा विविध मुद्द्यांवर ही बैठक पार पडणार आहे. उद्या सकाळी पुणे शहर कार्यालयात ही बैठक होणार असून शहरातील सर्व पदाधिकाऱ्यांना या बैठकीसाठी हजर राहण्याचे सांगण्यात आलं आहे.
पाणीत्याग आणि सलाईन बंद, उपोषणाच्या १४ व्या दिवशी जरांगेंना अशक्तपणा, आंदोलनस्थळी निपचित पडून
अमित ठाकरे हे मनसेच्या उमेदवारासाठी पुणे लोकसभा मतदारसंघ पिंजून काढणार आहेत. आता अमित ठाकरे यांच्याकडे पुणे लोकसभा निवडणुकीची जबाबदारी दिल्यामुळे पुण्यातील राजकारणात मोठे फेरबदल होणार असल्याची शक्यताही वर्तवली जात आहे.
नरेंद्र मोदींची थेट माजी पंतप्रधानांशी हातमिळवणी, लोकसभा निवडणुकांसाठी युतीची घोषणा
दुसरीकडे, दिवंगत खासदार गिरीश बापट यांच्या निधनानंतर रिक्त झालेल्या पुणे लोकसभेच्या जागेवर मनसेकडून माजी नगरसेवक वसंत मोरे यांनी दावा ठोकला होता. आपल्याला संधी दिली तर मनसेचा पहिला खासदार हा पुण्यातून असेल असं वंसत मोरे म्हणाले होते. वसंत मोरे यांचे शहर मनसेच्या पदाधिकाऱ्यांसोबत असलेले नाते सर्वश्रुत आहे. त्यामुळे मोरे यांच्या नावावर किती एकमत होईल यात शंकाच आहे. मात्र आता खुद्द अमित ठाकरे यांनी पुणे लोकसभेची जबाबदारी स्वीकारल्यानंतर होणाऱ्या या पहिल्या बैठकीत काय चर्चा होते? मोरे आपला दावा ठाकरे यांच्यासमोर ठोकणार का ? याकडे पुणे शहराचे लक्ष लागले आहे.
