नॅशनल हायस्पीड रेल्वे कॉर्पोरेशन लिमिटेडने (एनएचआरसीएल) वांद्रे-कुर्ला संकुलातील ४.८ हेक्टर जमीन बांधकामासाठी कंत्राटदाराकडे सुपूर्द केली आहे. जमिनीच्या तांत्रिक तपासणी आणि माती परीक्षणाची कामे पूर्ण झाली आहेत. ”बॉटम अप” पद्धतीचा अवलंब करून या स्थानकाचे बांधकाम करण्यात येणार आहे. जमीनीच्या पातळीपासून खोदकाम करून लगोलग त्याचे काँक्रीटीकरणाचे काम सुरू करण्यात येणार आहे. या स्थानकासाठी ३२ मीटरपर्यंत खोली असल्याने साधारण १८ लाख घनमीटर माती काढण्याचे नियोजन आहे, असे एनएचआरसीएलमधील वरिष्ठ अधिकाऱ्यांनी सांगितले.
पर्यटकांसाठी आनंदाची बातमी, माहीम किल्ल्याला मिळणार ऐतिहासिक गतवैभव; वाचा सविस्तर…
जमिनीखालील काम सुरक्षितपणे करण्यासह माती कोसळण्याच्या घटना रोखण्यासाठी मदत यंत्रणा कार्यान्वित करण्यात आली आहे. यंत्रणेत १७ ते २१ मीटर खोलीपर्यंत एकूण ३ हजार ३८२ सेकंट पाइल बसविण्यात आले आहेत. दर २.५ ते ३.५ मीटरपर्यंत अँकर आणि वॉलर्समुळे सेकंट पाइलला आणखी बळकटी मिळणार आहे. सध्या ५५९ मजूर आणि पर्यवेक्षक रात्रंदिवस काम करत आहेत. प्रकल्पातील पुढील टप्प्यात रोज सहा हजार श्रमिकांची गरज निर्माण होणार आहे.
पहिला टप्पा (सी १)- वांद्रे-कुर्ला संकूलातील मुंबई बुलेट स्थानकाचा आराखडा आणि भुयारी स्थानक-टर्मिनसची ४.८५ हेक्टर जागेत निर्मितीचे काम करण्यात येणार आहे.
सद्यस्थिती– १३ मार्चला मेघा इंजिनीअरिंग अँड इन्फ्रास्ट्रक्चर आणि हिंदुस्तान कन्स्ट्रक्शन (एमआयएल-एचसीसी संयुक्त) यांची बांधकामासाठी नियुक्ती करण्यात आलेली आहे. जमिनीच्या नमुन्याची तपासणी सुरू झालेली आहे.
एकूण खर्च– ३,६८०.९७ कोटी
कालमर्यादा– काम सुरू झाल्यानंतर ५४ महिन्यांच्या आत
महत्त्वाची बातमी; ब्रिटिशकालीन जलाशयाच्या कामाला सुरुवात, दक्षिण मुंबईतील पाणीपुरवठा वाढणार
