वैयक्तिक कर्जासाठी तुमचा क्रेडिट स्कोर चांगला असला पाहिजे तर सुरक्षित कर्जाच्या बाबतीत अशी कोणतीही अट नाही. सामान्यतः ७५० पेक्षा जास्त चांगला क्रेडिट स्कोर मानला जातो. आणि तुमचा क्रेडिट स्कोर जिंकता जास्त असेल तितकं लवकर आणि कमी व्याजदरात तुम्हाला कर्ज उपलब्ध होईल.
बँक खातेधारकासाठी का महत्वाचे असते नॉमिनीची नोंद; एक चुक ठरू शकते कुटूंबासांठी मोठी अडचण
सुरक्षित (सिक्योर्ड) कर्ज म्हणजे काय?
घर, जमीन, शेअर्स, म्युच्युअल फंड अशी कोणतीही मालमत्ता कर्ज घेण्यासाठी बँकेकडे गहाण ठेवली जाते आणि त्यावर कर्ज घेतले जाते तेव्हा त्याला सुरक्षित कर्ज म्हणतात. सुरक्षित कर्ज घेण्याचा फायदा म्हणजे तुमचा क्रेडिट इतिहास नसला तरीही बँक तुम्हाला कर्ज देते आणि त्यावरील व्याजही कमी असते.
वैयक्तिक (पर्सनल) कर्ज म्हणजे काय?
वैयक्तिक कर्ज असुरक्षित कर्ज असून यामध्ये तुम्हाला काहीही गहाण ठेवण्याची गरज नाही. तुमचा क्रेडिट स्कोअर चांगला असेल तर कोणतीही बँक तुम्हाला कर्ज सहज उपलब्ध करून देईल. सुरक्षित कर्जाच्या उलट वैयक्तिक कर्ज घेण्यासाठी तुमचा क्रेडिट इतिहास असणे आवश्यक आहे. याशिवाय वैयक्तिक कर्जाचा व्याजदर देखील सुरक्षित कर्जापेक्षा जास्त असतो.
कामाची बातमी! KYC अपडेट न केल्याने बँक खाते सस्पेंड झाले, आता काय करायचे? लगेच हे काम करा
वैयक्तिक की सिक्योर्ड कर्ज, कोणते फायदेशीर?
जर तुम्ही दीर्घ मुदतीचे कर्ज घेण्याचा विचार करत असाल तर तुमच्यासाठी सुरक्षित कर्ज फायदेशीर ठरेल कारण या कर्जावरील व्याजदरही कमी असून निधी खर्चही कमी आहे. त्याच वेळी, तुम्हाला अल्प मुदतीसाठी कर्ज हवे असेल आणि कोणतीही मालमत्ता तारण ठेवू इच्छित नसाल तर तुमच्यासाठी वैयक्तिक कर्ज चांगला पर्याय आहे.
अचानक ४० जणांच्या खात्यात लाखोंची रक्कम जमा, बँकेबाहेर रांगा, पाहून अधिकारी चक्रावले
कर्ज घेण्यापूर्वी या गोष्टींची काळजी घ्या…
दरम्यान बँक किंवा वित्तीय संस्थेकडून कोणतेही कर्ज घेण्यापूर्वी काही महत्त्वाच्या गोष्टींची काळजी घेतली पाहिजे. कर्जाच्या कागदपत्रावर स्वाक्षरी करण्याआधी त्याच्या अटी व शर्ती काळजीपूर्वक वाचा. यासोबतच कर्ज घेण्यापूर्वी चार ते पाच बँकांच्या व्याजदरांची तुलना करावी आणि तुमचा क्रेडिट स्कोर ७५० अंकांच्या वर ठेवण्याचा प्रयत्न करावा जेणेकरून तुम्हाला कर्ज सहज मिळू शकेल, त्यामुळे तुमचा व्याजदर कमी राहील आणि तुम्हाला कोणत्याही बँकेकडून कर्ज सहज मिळू शकेल.
