चौकशीदरम्यान मनोहरने सांगितले की, त्याने नयना महत या हेअरस्टायलिस्टची हत्या केली. जी चित्रपटांचे असाइनमेंट देखील घेत होती. तिने २०१९ मध्ये त्याच्यावर बलात्कार आणि प्राणघातक हल्ला केल्याच्या दोन तक्रारी केल्या होत्या. त्या मागे घेण्यास तिने नकार दिला होता. त्यामुळे त्याने तिची हत्या केल्याची माहिती आहे.
महत आणि मनोहर २०१३ मध्ये वसईत शेजारी होते. एका वर्षानंतर त्यांचे नातेसंबंध जुळले. २०१८ मध्ये त्याने पौर्णिमाशी लग्न केले. पण, त्याने महतसोबतचे नाते पुढे चालू ठेवले. २०१९ च्या सुरुवातीला पौर्णिमाला त्यांच्या अफेअरबद्दल कळले.
बहीण बेपत्ता, पोलिसांना सीसीटीव्हीत दोघं सुटकेस घेऊन दिसले, तपासताच धक्कादायक घटनेचा उलगडा
नैना महत ही बेपत्ता असल्याची तक्रार तिच्या बहिणीने नोंदवली. त्यानंतर जवळपास एक महिन्यानंतर, पोलिसांनी तिच्या विवाहित प्रियकराची चौकशी केली. तेव्हा नैनाच्या हत्येची घटना उघडकीस आली. त्यानंतर तिचा प्रियकर मनोहर शुक्ला आणि त्याची पत्नी पौर्णिमा यांना मंगळवारी अटक करण्यात आली.
ऑगस्ट २०१९ मध्ये महत यांनी वालिव पोलिसात मनोहर (३४) विरुद्ध बलात्कार, दरोडा आणि मारहाणीचा गुन्हा दाखल केला. काही दिवसांनंतर तिने विरार पोलिस ठाण्यात शुक्लाविरुद्ध मारहाणीचा गुन्हा दाखल केला.
नायगाव (पू) येथील सनटेक कॉम्प्लेक्समध्ये महत एकटीच राहत असताना तो तिला अनेकदा भेटायला जायचा. मनोहरसोबतच्या प्रेमसंबंधामुळे तिचे तिच्या भावंडांसोबतचे संबंधही ताणले गेल्याचे पोलिसांनी सांगितले. १२ ऑगस्ट रोजी, जेव्हा महतची मोठी बहीण जया, जी देखील एक हेअरस्टायलिस्ट आहे, तिचा नैनाशी काहीही संपर्क होत नव्हता. तेव्हा तिने नायगाव पोलिसांशी संपर्क साधला. १४ ऑगस्ट रोजी बहीण बेपत्ता असल्याची तक्रार नोंदवण्यात आली.
जमिनीखालून रडण्याचा आवाज, एक पाय दिसला अन् सारेच हादरले, खोदून पाहिलं तर…
त्यानंतर पोलिसांनी चौकशी सुरु केली. तेव्हा त्यांना नैनाच्या इमारतीतील सीसीटीव्ही फुटेजमध्ये महत आणि मनोहर ९ ऑगस्ट रोजी इमारतीच्या आवारात प्रवेश करताना दिसले आहेत. त्यानंतर ती बाहेर येताना दिसली नाही. तपासात असे दिसून आले की ९ ऑगस्ट रोजी सकाळी १० च्या सुमारास दोघांमध्ये भांडण झाले. कारण, महतने मनोहरवर तिच्याशी संबंध असूनही पौर्णिमाशी लग्न केल्याचा आरोप केला होता. महतने कीटकनाशक प्राशन करून आत्महत्या करण्याची धमकी दिल्याचे मनोहरने पोलिसांना सांगितले. त्याने सांगितले की, रागाच्या भरात त्याने तिला केसांनी ओढत बाथरूममध्ये नेले आणि पाण्याने भरलेल्या बादलीत तिचे डोके बुडवले. तिचा मृत्यू झाल्यानंतर त्याने तिला बेडवर ठेवले आणि कामावर निघून गेला.
सीसीटीव्ही फुटेजमध्ये तो दिवसभरात दोनदा तिच्या इमारतीत परतताना दिसला. रात्री ९.४५ च्या सुमारास तो पत्नी आणि मुलीसह इमारतीत परततो. ट्रॉली बॅग घेऊन इमारतीतून बाहेर पडताना दिसतो. त्यानंतर मनोहर आणि पौर्णिमा हे बॅग घेऊन स्कूटरवरून निघून जातात. त्यांची मुलगी पौर्णिमाच्या मांडीवर असते.
पोलिसांनी सांगितले की, शुक्लाने हत्येची कबुली दिल्यानंतर, त्यांनी वलसाड पोलिसांशी संपर्क साधला. त्यांनी सांगितलं की गेल्या महिन्यात खाडीजवळ कुजलेला मृतदेह सापडला होता. टॅटूच्या आधारे हा मृतदेह महतचा असल्याचे समजले. तरी, पुष्टी करण्यासाठी तिच्या बहिणीचा डीएनए जुळवावा लागेल, असे पोलिसांनी सांगितले. ही नियोजित हत्या असून पौर्णिमा यात सहभागी होती का, याचा तपास सुरू असल्याचं पोलिसांनी सांगितले.
