Pune News : अजित पवार आणि त्यांचे ८ सहकारी मुख्यमंत्री एकनाथ शिंदे यांच्या मंत्रिमंडळात सहभागी झाल्यानंतर पुण्यातील समीकरणं बदलली आहेत. पुण्याचे कारभारी कोण असा प्रश्न यानिमित्तानं उभा राहिला आहे.
हायलाइट्स:
- पुण्याचे कारभारी कोण?
- अजित पवार चंद्रकांत पाटील सरसावले
- प्रशासनाची तारेवरची कसरत सुरु
पालकमंत्री पाटील यांनी निश्चित केल्याप्रमाणे नियोजित बैठकांना बुधवारी सुरूवात झाली होती. यावेळी पाटील यांना फोन आल्यानंतर ते अचानक मुंबईला रवाना झाले. मराठा आरक्षण आंदोलनाच्या पार्श्वभूमीवर मुख्यमंत्री एकनाथ शिंदे यांच्यासमवेत ते जालन्याला जाण्याची शक्यता वर्तविण्यात येत होती. त्यानुसार ते मुंबईला रवाना झाले आणि त्यांनी आयोजित केलेल्या बैठका आमदार आमदार माधुरी मिसाळ, भीमराव तापकीर, पालिका आयुक्त विक्रम कुमार यांना घेण्याच्या सूचना केल्या. यावेळी अतिरिक्त आयुक्त विकास ढाकणे या दोन मतदारसंघातील भारतीय जनता पक्षाचे माजी नगरसेवक, पालिकेच्या सर्व विभागांचे विभागप्रमुख उपस्थित होते.
सागरी वादळानंतर लाटांचं पाणी घुसलं, धरण फुटलं; लिबियात हाहाकार, महापुरात पाच हजार जणांचा मृत्यूमहापालिकेचा कारभार सध्या प्रशासकांच्या माध्यमातून हाकण्यात येतो. माजी नगरसेवकांच्या तक्रारी सोडविण्यासाठी पालकमंत्र्यांनी या आढावा बैठकीचे आयोजन केले होते. पाणीपुरवठा, ड्रेनेज तसेच साफसफाईच्या कामाबाबत प्रामुख्याने तक्रारी होत्या. यावेळी आमदारांच्या उपस्थितीत या तक्रारींवर चर्चा झडली. यावेळी एका माजी नगरसेवकांनी एका विभाग प्रमुखांना खडे बोल सुनावल्याने काही काळ बैठकीत तणावाचे वातावरण पसरले होते.
करो या मरो सामना जिंकण्यासाठी पाकिस्तानचा मोठा गेम, मागवले खास दोन मॅचविनर खेळाडूउपमुख्यमंत्री अजित पवार आणि पालकमंत्री चंद्रकांत पाटील या दोन्हीही नेत्यांकडून सातत्याने बैठकांचा सपाटा लावण्यात आला आहे. याशिवाय मुख्यमंत्री एकनाथ शिंदे, राज्याचे मुख्य सचिवांकडूनही प्रशासकीय बाबींसह प्रकल्पांचा आढावा घेतला जातो. काही प्रमुख प्रकल्पांविषयी उपमुख्यमंत्री देवेंद्र फडणवीस हे सुद्धा बैठका घेतात. पुण्यातील प्रशासनाकडून सध्या या सर्व प्रमुख नेत्यांना न दुखावता त्यांच्या आयोजित केलेल्या बैठकांना उपस्थित राहण्याचे दिव्य पार पडत असल्याची चर्चा आहे.
जम्मू कश्मीरमध्ये दहशतवाद्यांशी मोठी चकमक सुरू; कर्नल, मेजर आणि डीएसपी शहीदMarathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
