आज १४ सप्टेंबर २०२३ रोजी तो आपला ३९ वा वाढदिवस साजरा करत आहे. आयुष्मान खुरानाला इंडस्ट्रीत येऊन ११ वर्षे झाली. या दशकभराच्या कारकिर्दीत आयुष्मानचे अनेक चित्रपट ब्लॉकबस्टर ठरले तर काही फ्लॉप झाले. बॉलिवूडमध्ये स्टार बनणे आयुष्मानसाठी कधीच सोपे नव्हते. त्याने अनेक चढउतार पाहिले आहेत. त्याच्या संघर्षमय जीवनावर एक नजर टाकू.
आमच्या पप्पांनी गणपती आणला! छोट्या दोस्तांची धम्माल, मायरा आणि साईराजचा व्हिडिओ पाहिला की नाही?आयुष्मान खुरानाचे सुरुवातीचे आयुष्य
चंदीगढमधील पंजाबी कुटुंबात जन्मलेल्या आयुष्मान खुरानाचे खरे नाव ‘निशांत खुराना’ आहे. जेव्हा तो ३ वर्षांचा होता तेव्हा त्याचे वडील पी खुराना आणि आई पूनम खुराना यांनी त्यांचे नाव निशांतवरून बदलून आयुष्मान ठेवले. अभिनेत्याने चंदिगढमधूनच शिक्षण घेतले आहे. आयुष्मान अभ्यासात खूप हुशार होता. कॉलेजची तीन वर्षे तो टॉपवर होता. चंदीगढच्या डीएव्ही कॉलेजमधून पदवी आणि त्यानंतर पंजाब विद्यापीठातून मास कम्युनिकेशनमध्ये त्याने मास्टर्स केले. त्याचे लहानपणापासूनच अभिनेता होण्याचे स्वप्न होते. महाविद्यालयीन जीवनात तो नाट्यक्षेत्रातही भाग घेत असे.
आयुष्मान बॉलिवूडच्या आधी टीव्ही स्टार होता
आयुष्मान खुराना आज बॉलीवूडमध्ये प्रसिद्ध असला तरी तो एकेकाळी टीव्ही स्टारही होता. एमटीव्ही रोडीजच्या दुसऱ्या सीझनचा तो विजेता होता. त्याने इंडियाज गॉट टॅलेंट, म्युझिक का महामुकाबला, एमटीव्ही रॉक ऑन आणि जस्ट डान्स सारखे टीव्ही शो देखील सूत्रसंचालित केले. आयुष्मान खुरानाने केवळ टेलिव्हिजन शो होस्ट केले नाहीत तर अनेक डेली सोपमध्येही काम केले आहे. त्याने ‘कयामत’ आणि ‘एक थी राजकुमारी’ सारख्या मालिकांमध्ये काम केले आहे. या शोमध्ये त्याने थोडाच वेळ काम केले असले तरी प्रत्येक घराघरात त्याने आपला ठसा उमटवला.
लिटिल चॅम्प्सच्या प्रेमाने भारावले अशोक मामा, डोळ्यात आलं पाणी; Video होतोय व्हायरल
आयुष्मानसाठी त्याच्या करिअरचा सुरुवातीचा टप्पा कठीण होता
आयुष्मान खुरानाने त्याचा पहिला चित्रपट ‘विकी डोनर’ मिळेपर्यंत मुंबईत खूप संघर्ष केला. स्टार बनण्यासाठी तो चंदीगढहून मुंबईत आला तेव्हा त्याच्या डोक्यावर ना छप्पर होतं ना पैसा. त्याचा एक मित्र मेडिकलचे शिक्षण घेत होता, तेव्हा अभिनेत्याने स्वत:ला डॉक्टर असल्याचे भासवले अनेक महिने वसतिगृहात दिवस काढले. आयुष्मान खुराना लग्नसमारंभात गाणे म्हणत असे. जॉन अब्राहम निर्मित ‘विकी डोनर’ या पहिल्या चित्रपटाने आयुष्मान खुरानाला ओळख दिली आणि त्याला बॉलिवूड स्टार बनवले, पण त्यानंतर चित्रपट फ्लॉप होऊ लागल्यावर, अभिनेत्याने पैसे कमवण्यासाठी प्लॅन बीचा वापर केला.
एचटी ब्रंचला दिलेल्या मुलाखतीत आयुष्मान खुराना म्हणाला होता-
जेव्हा माझे चित्रपट चालत नव्हते तेव्हा मी एक बँड तयार केला. कॉलेज फेस्ट्स, लग्नसोहळे, फॅमिली फंक्शन्समध्ये मी गाणे गायला सुरू केले. त्यामुळे माझ्याकडे खूप प्लॅन आहेत. माझ्याकडे प्लॅनची कमतरता नाही. इतकेच नाही तर आयुष्मानने कपिल शर्मा शोमध्ये असेही सांगितले की तो ट्रेनमध्ये मित्रांसोबत गाणी गाऊन पैसे कमवत असे.
आयुष्मान खुरानाचे चित्रपट
आयुष्मान खुरानाने आपल्या ११ वर्षांच्या कारकिर्दीत अनेक हिट चित्रपट दिले आहेत. स्पर्म डोनरपासून पोलिस आणि डॉक्टरांपर्यंतच्या भूमिका साकारल्या आहेत. कधी त्याने आपल्या विनोदबुद्धीने प्रेक्षकांना हसवले तर कधी सामाजिक संदेश देऊन मने जिंकली. ‘बधाई हो’, ‘शुभ मंगल सावधान’, ‘बाला’, ‘दम लगा के हईशा’, ‘बरेली की बर्फी’, ‘अंधाधुन’, ‘ड्रीम गर्ल’ आणि ‘ड्रीम गर्ल २’ यांसारख्या चित्रपटांमध्ये तो दिसला आहे.
