Manoj Jarange Patil: मनोज जरांगेंच्या उपोषणाची सांगता; एकनाथ शिंदे कोंडी फोडण्यात यशस्वी
मनोज जरांगे पाटील म्हणाले, “दानवे दादांनी दिलेल्या चिठ्ठीने अवघड कार्यक्रम झाला. लोकांनी मला नको तेवढे प्रश्न विचारले. ती चिठ्ठी कसली? यावरून एका संघटनेने माझ्यावर आरोप केले. पण मला त्यांना सांगायचंय, मी खानदानी मराठा आहे. गद्दारी करणं माझ्या रक्तात नाही. माझा बाप अजूनही कष्ट करतोय, मी समाजासाठी लढतोय. माझी राखरांगोळी झाली तरी चालेल पण मराठा समाजाशी गद्दारी करणार नाही. माझी ती औलाद नाही, माझं ते रक्तही नाही. माझ्यावरील भ्रष्टाचाराचे आरोप मी सहन करणार नाही”
हा विश्वासघात झाला… ‘बोलून मोकळं व्हायचं’वेळी फडणवीसांशी काय बोलणं झालं? शिंदेंनी सगळंच सांगितलं
मनोज जरांगे पाटील यांचं उपोषण मागे
गेल्या १६ दिवसांपासून मराठा समाजासाठी अन्नाचा एक कणही न खालेल्या मनोज जरांगे पाटील यांनी आज अखेर उपोषण सोडलं. मुख्यमंत्री एकनाथ शिंदे यांनी फळांचा ज्यूस देऊन त्यांच्या उपोषणाची सांगता केली. मराठा समाजाला न्यायालयात टिकणारं आरक्षण सरकार देईल, असा शब्द मुख्यमंत्र्यांनी उपस्थित समाजबांधवांना दिला. मी सर्वसामान्य कार्यकर्ता आहे, मुख्यमंत्रिपदाच्या खुर्चीवर बसलोय, समाजाच्या वेदना मला ठाऊक आहेत, माझ्यावर विश्वास ठेवा, असं आवाहन मुख्यमंत्र्यांनी केलं. मनोज जरांगे पाटील यांनीही मुख्यमंत्र्यांवर विश्वास असल्याचं सांगत आपणच मराठा समाजाला आरक्षण देऊ शकता, अशा शब्दात त्यांची स्तुती केली.
