सूत्रांकडून मिळालेल्या माहितीनुसार, पवई पोलिसांनी २२ वर्षीय तरुणाला अटक केली आहे. महिलेचा आंघोळ करताना व्हिडिओ काढल्याचा त्याच्यावर आरोप आहे. आरोपी तरूण आणि पीडित महिला हे दोघेही एका उद्योजकाच्या घरी नोकरी करतात. आरोपी तरूण हा स्वयंपाकी आहे. पीडित महिला बाथरूममध्ये आंघोळ करत होती. त्याचवेळी बाथरूमच्या खिडकीतून हा तरूण मोबाइलवरून व्हिडिओ काढत होता. याबाबत या महिलेला संशय आला. तिनं घरमालकाला याबाबत माहिती दिली. त्यानंतर त्यांनी पोलिसांत तक्रार केली. पोलिसांनी तरूणाला अटक केली आहे.
आरोपी तरूण आणि पीडित महिला हे दोघे गेल्या अनेक महिन्यांपासून एका उद्योजकाच्या घरी नोकरी करतात. नोकरांसाठी असलेल्या वेगवेगळ्या खोल्यांमध्ये हे राहतात. एका पोलीस अधिकाऱ्यानं दिलेल्या माहितीनुसार, आरोपीचा मोबाइल जप्त करण्यात आला आहे. एकदा मोबाइलमधून डाटा प्राप्त झाल्यानंतर त्यात नेमकं काय चित्रित करण्यात आलं होतं, हे स्पष्ट होईल. आरोपी तरुणाविरोधात कलम ३५४ (सी) अंतर्गत गुन्हा नोंदवण्यात आला आहे. आरोपी सध्या न्यायालयीन कोठडीत आहे, अशी माहिती पोलिसांनी दिली.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
