तीन महिन्यांचे प्रशिक्षण; रोज शंभर रुपये मानधन, आता महिलांनी घडवल्या ६०० गणेशमूर्तीसोशल मीडियावर मौलाअली शेख यांचे फोटो वायरल होताच कौतुकाचे वर्षाव होत आहे. सोलापूर शहरातील थोबडे वस्ती येथे मौलाअली शेख हे बप्पाच्या मूर्ती साकारत आहेत. मौलाअली जाफर शेख यांना शालेय जीवनापासूनच याचे बाळकडू मिळाले आहे. त्यांचे कलाशिक्षक रविराज यांनी मौलाअली शेख यांना प्रोत्साहन दिले होते. त्या अनुषंगाने शालेय जीवनापासूनच त्यांनी यामध्ये रस दाखवला. होमगार्डची ड्युटी सांभाळत त्यांनी गेल्या वीस वर्षापासून बाप्पा चरणी सेवा अर्पण केली आहे. आकर्षक गणपती बनवणे हा त्यांचा हातखांड असून दरवर्षी गणेश भक्तांमधून गणपती बनवण्यासाठी मागणी वाढली आहे.
मौलाअली शेख यांनी सौंदर्यपूर्ण असे गणपती साकारले आहेत. गणपतीवर शेवटचा हात फिरवत असताना दिसत आहेत. दरम्यान याबाबत मौलाअली शेख यांनी अधिक माहिती देताना समाजा समाजामध्ये जातीय तेढ निर्माण होत असून याला प्रतिबंध घालण्यासाठी त्यामध्ये सलोखा निर्माण व्हावा हा मुख्य उद्देश असल्याचे सांगितले. महाराष्ट्र राज्यातील विविध जिल्ह्यात जातीय दंगली होत आहेत. त्यावर देखील सामाजिक संदेश देत शांतता अबाधित ठेवा, असा संदेश मौलाअली शेख यांनी दिला.
यंदाच्या वर्षी कच्चा मालावरील जीएसटी तसेच वाढत्या महागाईमुळे गणपतीचे दर देखील वाढले आहेत. गणेश भक्तांनी मूर्तिकारांच्या वर्षभराचे कष्टाचे फळ त्यांना अपेक्षित पद्धतीने द्यावे, अशी मागणी मौलाअली शेख यांनी केली. दरवर्षी इको फ्रेंडली आणि पी.ओ.पी चा मुद्दा गणेशोत्सवाच्या तोंडावरच निर्माण केला जातो. परंतु यामध्ये सरकार आणि प्रशासनाने सुवर्णमध्य साधावा. मूर्तिकारांना गणेशोत्सवाचा चांगला काळ उपलब्ध करून द्यावा, अशी आशा देखील त्यांनी व्यक्त केली आहे.
