म. टा. विशेष प्रतिनिधी, मुंबई

कंगना रनौटविरुद्ध शिवसैनिकांनी केलेल्या आंदोलनामुळे मुख्यमंत्री नाराज झाल्याचे समजते. सूचना देऊनही आंदोलन करण्यात आल्यामुळे ही नाराजी असल्याचे समजते. आंदोलनाच्या माध्यमातून कंगनाला सहानुभूतीच मिळणार आहे. त्याऐवजी तिच्याविरोधात कायदेशीर कारवाई हाच मार्ग योग्य ठरणार असल्याची भूमिका शिवसेना नेतृत्वाची असल्याचे खात्रिलायकरित्या समजते.

कंगना बुधवारी मुंबईमध्ये दाखल होताच विमानतळावर शिवसेनेच्या भारतीय कामगार सेनेने कंगनाविरोधात आंदोलन केले. यावेळी विमानतळावर भारतीय कामगार सेनेचे असंख्य सदस्य उपस्थित होते. कंगनाविरोधात घोषणाबाजीही करण्यात आली. मात्र प्रत्यक्षात कंगनाविरोधात विमानतळावर कोणतेही आंदोलन करू नका, असा आदेश शिवसेना नेतृत्वाने दिले होते. कंगनाविरोधात कायदेशीर कारवाई हाच योग्य मार्ग असून तशीच व्यूहरचना शिवसेना नेतृत्वाने आखली आहे. मात्र आता आंदोलन झाल्याने शिवसेना नेतृत्व नाराज असल्याचे समजते.

वाचा:

दुसरीकडे कंगनाच्या विषयावर विनाकारण बोलून तिचे महत्त्व वाढवू नका, असे स्पष्ट आदेश मातोश्रीवरून पक्षनेते आणि नवनियुक्त प्रवक्त्यांना देण्यात आल्याची माहिती आहे. कंगनाच्या कार्यालयावर बीएमसीने हातोडा चालवला, त्यावरही न बोलण्याच्या सूचना शिवसेनानेत्यांना देण्यात आल्या आहेत. मुंबई मनपाची कारवाई सूडबुद्धीने होत असल्याचा आरोप भाजपने केला असला तरी शिवसेनेने मात्र कंगनाप्रकरणी मौनच बाळगले. शिवसेनानेते संजय राऊत यांनीही या वादावर बोलण्यास नकार दिला आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here