तक्रारदार महिला ही पोलिस असून, तिच्या पतीच्या माध्यमातून भोंदूबाबाशी ओळख झाली. पतीला सरकारी नोकरी लागेल, तसेच घरगुती समस्या दूर होतील, असे तिला सांगण्यात आले. त्यानंतर तलासरी तालुक्यातील सुत्रकार येथे महिलेच्या माहेरी भोंदूबाबा आणि त्याच्या साथीदारांनी जादूटोणा विधी केला. त्यानंतर पंचामृतात गुंगीचे औषध घालून त्यांना अज्ञातस्थळी नेण्यात आले व भोंदूबाबा रवींद्र भाटे याने तिच्यावर लैंगिक अत्याचार केला. त्यानंतर त्याचे साथीदार दिलीप गायकवाड, गौरव साळवी यांनीही तिच्यावर वेळोवेळी लैंगिक अत्याचार केल्याचे तक्रारीत म्हटले आहे.
पुन्हा पूजाविधी करण्यासाठी कांदीवलीतील मठात नेऊन दिलीप गायकवाड याने अघोरी पूजा विधी केला व पुन्हा लैंगिक अत्याचार केला. या सर्वांनी दोन लाख दहा हजार रुपये व सोन्या-चांदीचे दागिने घेऊन पोबारा केला. सततच्या त्रासाला कंटाळून अखेर पोलिस महिलेने तलासरी पोलिस ठाण्यात तक्रार दाखल केली. या सर्वांवर कलम ३७६, ३७६(२), ४२०, ३४ या अंतर्गत तसेच महाराष्ट्र नरबळी व इतर अमानुष, अनिष्ट व अघोरी प्रथा आणि जादूटोणा प्रतिबंध अधिनियम २०१३मधील कलम २, ३, ८प्रमाणे गुन्हा दाखल केला.
निम्मे अपघात पावसात, मुंबई विमानतळाच्या कक्षेतील आजवरच्या मोठ्या अपघातात १५० जण ठार
