रेल्वे शेअर्समध्ये तुफान तेजी
वर्ष २०२३ भारतीय शेअर बाजारासाठी अत्यंत खास ठरत आहे. बाजाराच्या व्यवहार सत्रादरम्यान सेन्सेक्स आणि निफ्टी निर्देशांक नवनवीन विक्रम नोंदवत आहेत. तर मार्केटच्या या तेजी अनेक क्षेत्रात बंपर वाढ होताना दिसत असून यामध्ये रेल्वे स्टॉक्सचा देखील समावेश आहे. यावर्षी गुंतवणूकदारांना श्रीमंत बनवणाऱ्या शेअर्समध्ये IRFC म्हणजेच इंडियन रेल्वे फायनान्स कॉर्पोरेशन आघाडीवर राहिले आहे. २०२३ मध्ये स्टॉकने १४७% उडी घेतली असून येत्या काळात या शेअरमध्ये आणखी वाढ होण्याची शक्यता आहे.
छोटा पॅकेट बडा धमका! या स्वस्तातील शेअरने गुंतवणूकदार मालामाल, 1 लाख गुंतवले असते तर आज…
गुंतवणूकदार होत आहेत मालामाल
बाजारातील गुंतवणूकदारांना श्रीमंत करणारा दुसरा स्टॉक म्हणजे RVNL (रेल विकास निगम लिमिटेड). या स्टॉकमध्येही सातत्याने वाढ होत असताना २०२३ मध्ये आत्तापर्यंत शेअर १५० टक्केहून अधिक मजबूत झाला आहे. याशिवाय Railtel कंपनीचे शेअर्सनी देखील गुंतवणूकदारांना उत्कृष्ट परतावा देत आतापर्यंत ८०% हून अधिक तेजी नोंदवली आहे.
PSU स्टॉक देत आहे छप्परफाड परतावा, 52 आठवड्यांतील हाय लेव्हलला शेअर्स, गुंतवणूकदार मालामाल
रेल्वे शेअर्समधील तेजीचे कारण
पश्चिम रेल्वे प्रकल्पासाठी २४५ कोटी रुपयांच्या सर्वात कमी (L1) बोली लावणारा म्हणून उदयास आल्यानंतर बुधवारी रेल्वे विकास निगमचे शेअर्स दिवसाच्या नीचांकीवरून सावरले. IRCTC ने बुधवारी संध्याकाळी उशिरा घोषणा केली की त्यांनी IRCTC च्या बस तिकीट प्लॅटफॉर्मवरून नंतरच्या बसचे बुकिंग सक्षम करण्यासाठी महाराष्ट्र राज्य मार्ग परिवहन महामंडळ (MSRTC) सोबत सामंजस्य करार केला आहे.
करोडपती शेअर ओळखणे आता सोपे, एक फॉर्म्युला देऊ शकतो 100 टक्के रिटर्न, व्हाल मालामाल
दुसरीकडे, यावर्षी जोरदार तेजीनंतर रेल्वेच्या शेअर्समध्ये काही प्रमाणात नफा-वसुली दिसून आली. IRCTC वगळता RailTel, RVNL, IRCON आणि IRFC सारखे शेअर्समध्ये यावर्षी ८०-१५० टक्केदरम्यान तेजीने वाटचाल केली. तथापि तज्ञ गुंतवणूकदारांना या शेअर्सच्या वाढीमुळे सावध राहण्याचा सल्ला देत असून काही प्रकरणांमध्ये नफावसुलीही करण्याचीही शक्यता वर्तवली आहे.
