जर तुम्ही एक महिला असाल आणि विशेषत: गृहिणी असाल तर तुम्ही अगदी लहान बचत करूनही गुंतवणूक सुरू करू शकता आणि मोठे भांडवल तयार करू शकता. पोस्ट ऑफिस महिला सन्मान बचत प्रमाणपत्र, SIP, PPF, मुदत ठेव आणि आवर्ती डिपॉझिटद्वारे म्युच्युअल फंड यासारख्या महिलांसाठी काही खास आणि अतिशय लोकप्रिय योजना आहेत ज्यात दरमहा थोड्या प्रमाणात गुंतवणूक सुरू करू शकता.
करोडपती शेअर ओळखणे आता सोपे, एक फॉर्म्युला देऊ शकतो 100 टक्के रिटर्न, व्हाल मालामाल
पोस्ट ऑफिस
पोस्ट ऑफिस रिकरिंग डिपॉझिट (RD) खात्यातील गुंतवणूक सुरक्षित मानली जाते. या योजनेंतर्गत दर महिन्याला थोडे पैसे जमा केल्यास काही वर्षांनी तुम्हाला चांगला परतावा मिळेल. तुम्ही यामध्ये प्रत्येक महिन्याला १०० रुपयांची गुंतवणूक सुरू करू शकता आणि कमाल रकमेवर मर्यादा नाही.
महिला सन्मान बचत प्रमाणपत्र
महिला सन्मान बचत प्रमाणपत्र ही पोस्ट ऑफिसची एक योजना आहे, जी गुंतवणुकीची उत्कृष्ट संधी देते. या योजनेंतर्गत तुम्ही एक रुपयांच्या गुंतवणुकीतून खाते सुरू करू शकता आणि यामध्ये कमाल दोन लाख रुपयांपर्यंत गुंतवणुकीचा पर्याय आहे. पोस्ट ऑफिस महिला सन्मान बचत प्रमाणपत्र खात्यात जमा केलेल्या पैशावर सध्या ७.५% वार्षिक व्याज मिळत आहे.
पोर्टफोलिओमध्ये फक्त तीनच शेअर्स, कॉपी करून कमावले हजारो कोटी, मोहनीश पबराई आहेत तरी कोण?
म्युच्युअल फंडात एसआयपीद्वारे गुंतवणूक
SIP द्वारे म्युच्युअल फंडात गुंतवणूक करण्याचा देखील खूप चांगला पर्याय आहे. याद्वारे महिला फक्त ५०० रुपयांची गुंतवणूक करू शकतात, त्यातुं तुम्हाला उत्तम परतावा मिळेल आणि मोठे भांडवल तयार होईल. तुम्ही एकापेक्षा जास्त SIP पर्याय देखील निवडू शकतात.
रिटायरमेंटला गाठी हवा पैसा, मग ‘या’ गोष्टींची काळजी घ्या; वृद्धापकाळात येणार नाही पैशाची अडचण
PPF मध्ये गुंतवणूक
दर महिन्याला छोटी कमाई करण्याचा पीपीएफ एक चांगला पर्याय असून यामध्ये किमान ५०० रुपये जमा करणे आवश्यक आहे. तसेच, एका वर्षात जास्तीत जास्त १.५० लाख रुपये गुंतवले जाऊ शकतात. इच्छुक व्यक्ती सोयीनुसार दर महिन्याला छोटी रक्कमही गुंतवू शकतो. लक्षात ठेवा की या योजनेचा लॉक इन कालावधी १५ वर्षांचा असून दीर्घकालीन निधी उभा करण्यासाठी उत्तम पर्याय आहे. सध्या या योजनेतील गुंतवणुकीवर ७.१% वार्षिक व्याज दिले जात आहे.
मुदत ठेव
जर तुम्हाला एकरकमी गुंतवणूक करायची असेल तर मुदत ठेवही (फिक्स्ड डिपॉझिट) एक चांगला पर्याय ठरू शकतो. मुदत ठेव किंवा FD मध्ये ७ दिवस ते १० वर्षांपर्यंत गुंतवणूक करून वेगवेगळ्या कालावधीच्या आधारे व्याजदर ठरवले जातात.
