– आवश्यक तेवढाच ताजा प्रसाद भाविकांना देण्यात यावा, शिळ्या अन्नपदार्थांचे वाटप करू नये.
– प्रसाद काचेच्या झाकणात किंवा पारदर्शक प्लास्टिकच्या आवरणात झाकून ठेवावा.
– प्रसाद हाताळणाऱ्यांचे कपडे स्वच्छ असावेत, त्यांनी साबणाने हात स्वच्छ धुवूनच कामाला सुरुवात करावी.
– संसर्गजन्य आजार झालेल्यांनी प्रसाद तयार करू नये.
– प्रसाद तयार करणाऱ्यांनी आणि वाटप करणाऱ्यांनी नाक, कान, डोके, केस खाजवणे, डोळे चोळणे, शिंकणे, थुंकणे, नाक शिंकरणे टाळावे.
– प्रसाद तयार करणाऱ्यांनी तंबाखू, धूम्रपान करणे टाळावे.
– वाटप करणाऱ्यांनी हात पुसण्यासाठी स्वच्छ कापड वापरावे.
– प्रसाद तयार करणाऱ्यांनी हातमोजे आणि अॅप्रन घालावे. केस संपूर्णपणे झाकणारी टोपी वापरावी. तोंडाला मास्क लावावा.
– प्रसाद तयार करण्यासाठी, भांडी धुण्यासाठी वापरण्यात येणारे पाणी पिण्यायोग्य असावे.
– पिण्याचे पाणी स्वच्छ भांड्यात साठवावे, त्यावर स्वच्छ झाकण झाकलेले असावे.
– निर्जंतुकीकरण करूनच पाणी पिण्यास द्यावे. भांड्यांचा वापर करण्यापूर्वी ती धुण्याच्या साबणाने, द्रावणाने स्वच्छ घासावीत.
– भांडी कोरडी करण्यासाठी स्वच्छ कपड्याचा वापर करावा; तसेच भांडी स्वच्छ, कोरड्या जागेत ठेवावीत.
Ganeshotsav 2023: नागपूरकरांनो यंदाच्या गणेशोत्सवात हे नियम पाळावेच लागणार; हायकोर्ट म्हणाले…
प्रसाद तयार करून भाविकांना वितरित करणाऱ्या गणेश मंडळांनी https://foscos.fssai.gov.in या संकेतस्थळावर जाऊन १०० रुपये शुल्क भरून अन्न व औषध प्रशासनाकडे नोंद करावी. मंडळांनी कच्च्या अन्न पदार्थाची खरेदी बिले आणि कच्चे अन्न पदार्थ परवानाधारक दुकानातून खरेदी करावे.- सु. ग. अन्नपुरे, सहआयुक्त, ‘एफडीए’ (अन्न)
