Ganeshotsav 2023: गणेश मंडळांनी प्रसाद वाटताना काय काळजी घ्यावी, FDA कडून सूचनावली
गणेश स्थापनेसाठी हा शुभ मुहूर्त
भाद्रपद महिन्यातील शुक्ल पक्षातील चतुर्थी तिथी १८ सप्टेंबर रोजी दुपारी १.३९ पासून सुरू होईल. १९ सप्टेंबर रोजी दुपारी १.४३ पर्यंत चालेल. १९ सप्टेंबर रोजी श्रींच्या स्थापनेचा शुभ मुहूर्त सकाळी १०:५० ते १२:५२ पर्यंत आहे. सर्वात शुभ वेळ दुपारी १२:५२ ते २:५६ पर्यंत आहे. शुभ मुहूर्त पाहून कोणतेही काम केल्यास अधिक लाभ मिळतो असे मानले जाते.
गणेश चतुर्थीच्या दिवशी गणपती बाप्पाला घरी आणून त्याची प्रतिष्ठापना करण्याचा शुभ मुहूर्त लक्षात घेणे आवश्यक आहे. श्रीगणेशाच्या मूर्तीची प्रतिष्ठापनेसोबतच सिंदूर, फुलांच्या माळा, धूप, दिवा, अक्षत, पान, लाडू, मोदक, दुर्वा इत्यादी अर्पण करा. त्यानंतर विधीनुसार श्रीगणेशाची नित्य पूजा करावी. पाचव्या, सातव्या किंवा ११व्या दिवशी त्यांचे कौटुंबिक परंपरेनुसार विसर्जन करा.
Ganesh Chaturthi 2023: गणेश पूजनापासून ते विसर्जनापर्यंत या साहित्याची लागेल गरज, आजच घरी आणून ठेवा
गणेश चतुर्थीनिमित्त बँका बंद राहणार
गणेश चतुर्थीनिमित्त काही अनेक राज्यांमधील बँका बंद राहणार आहेत. १८, १९ आणि २० सप्टेंबर रोजी वेगवेगळ्या ठिकाणी बँक सुट्टी असेल. बेंगळुरू, चेन्नई, हैदराबाद, तेलंगणा येथे १८ सप्टेंबर रोजी सिद्धी विनायक व्रत/विनायक चतुर्थीनिमित्त बँका बंद राहतील.
अहमदाबाद, बेलापूर, भुवनेश्वर, मुंबई, नागपूर, पणजी येथे गणेश चतुर्थीमुळे १९ सप्टेंबर रोजी बँकांना सुट्टी असेल.
तर, भुवनेश्वर आणि पणजीमध्ये २० सप्टेंबरला म्हणजेच गणेश चतुर्थीच्या दुसऱ्या दिवशी नुआखाईमुळे बँका बंद राहतील.
