कोकणकरांसाठी महत्वाची बातमी! गणेशभक्तांचा प्रवास सुखकर होण्यासाठी प्रशासन सज्ज; पर्यायी मार्ग आणि सुविधा केंद्रांची उभारणीनैसर्गिक आपत्तींमुळे शेतीचे मोठे नुकसान झाल्यानंतर प्रशासनाकडून पंचनामा करण्याची कारवाई केली जाते. त्यानंतर नुकसान भरपाई मिळायला उशीर व्हायचा. मात्र आता ई-पंचनामा केल्यानंतर शेतकऱ्यांना शासनाकडून तातडीने नुकसान भरपाई मिळणार आहे. ई-पंचनामा नागपूर विभाग जुलैच्या अखेरीस आणि ऑगस्टच्या पहिल्या आठवड्यात वापरला गेला. अतिवृष्टी झाल्यानंतर महसूल विभागाचे तलाठी आणि कृषी विभागाचे कृषी सेवक काही निवडक शेतात जाऊन पंचनामे करतात. त्यामुळे अनेक शेतकरी नुकसान भरपाई आणि पंचनामा यापासून वंचित राहतात.
तलाठी आणि कृषी सेवक कार्यालयात बसूनच पंचनामा करत असल्याचा आरोप अनेकवेळा करण्यात येते. मात्र, ई-पंचनामा प्रक्रियेनंतर तलाठी आणि कृषी सेवकांनी शेतात जाऊन जीपीएस तंत्रज्ञानाचा वापर करून शेतीच्या नुकसानीची माहिती अॅपवर भरणे आणि नुकसानीचा प्रत्यक्ष फोटो अपलोड करणे बंधनकारक करण्यात आले आहे. त्यामुळे शेतीच्या नुकसानीचा अचूक अंदाज लावणे शक्य झाले आहे. नागपूर जिल्ह्यात ई-पंचनामा प्रक्रिया प्रायोगिक तत्त्वावर राबविण्यात आली आहे. १ हजार १८५ हेक्टर जमिनीचा ई-पंचनामा तातडीने करण्यात आला.
त्यात १ हजार ४८५ शेतकऱ्यांना नुकसान भरपाई देण्याचा अहवाल राज्य सरकारला सादर करण्यात आला आहे. तलाठी आणि कृषी सेवकांनी ई-पंचनामा सादर केल्यानंतर एका क्लिकवर ई-पंचनामा अहवाल तहसिलदार, जिल्हाधिकारी आणि विभागीय आयुक्त स्तरावर एक-एक करून पाठविण्यात आला आहे. काही वेळातच तो अहवाल राज्य सरकारकडे सुपूर्दही करण्यात आला. यापूर्वी या प्रक्रियेला दोन ते तीन महिने लागायचे. त्यामुळे शेतकऱ्यांना नुकसान भरपाई मिळण्यास विलंब होत होता. आता ई-पंचनामाद्वारे ६० ते ७० टक्के वेळ वाचणार असल्याचा प्रशासनाचा दावा आहे.
