काँग्रेसची सत्ता आली तर संभाजी भिडे यांना जेलमध्ये चक्की पिसायला लावू : विजय वडेट्टीवारसूत्रांनी दिलेल्या माहितीनुसार, काश्मीरमधील एक महिला काही वर्षांपूर्वी नागपुरात राहायला आली होती. तिचे पती सध्या काश्मीरमध्ये राहतात. नरेंद्र नगरमध्ये भाड्याने मोठा फ्लॅट घेतला होता. तिचा नवरा दर महिन्याला तिला भेटायला येतो. ही महिला वर्धा रोडवरील एका नामांकित शाळेत शिक्षिका आहे. सीबीआयने या शिक्षकाच्या घरावर छापा टाकण्यासाठी विशेष कारवाई सुरू केली. त्यासाठी नागपूर सीबीआयच्या वरिष्ठ अधिकाऱ्यांची मदत घेण्यात आली.
सीबीआयचे अधिकारी थेट दिल्लीहून कारने छापा टाकण्यासाठी आले होते. तब्बल ५ तास शिक्षकेच्या घरी ही कारवाई करण्यात आली. काही महत्त्वाची कागदपत्रे आणि मोबाईल फोन आणि लॅपटॉप सीबीआयने जप्त केले आहेत. नागपूरचे सीबीआय अधिकारी या छाप्याबाबत काहीही बोलायला तयार नाहीत. सीबीआयने सांगितले की, हा छापा एका गुप्त ऑपरेशन अंतर्गत घेण्यात आला. मात्र, सीबीआयने काय कारवाई केली याबाबत सीबीआयने मौन बाळगले आहे. शिक्षिका आणि त्यांचे पती मूळचे जम्मू-काश्मीरचे आहेत. काश्मीर सोडले आणि थेट नागपूर गाठले. नागपूर शहराची ऐतिहासिक पार्श्वभूमी लक्षात घेता शिक्षकावर संशय निर्माण झाला आहे. देशविरोधी कारवायांचाही संशय व्यक्त केला जात आहे.
