लग्नाला १४ सेलिब्रिटी, खर्च ११२ कोटी; EDच्या धाडीत ४१७ कोटी जप्त, सौरभ चंद्राकर नेमका कोण?दुबईहून चालवल्या जाणाऱ्या महादेव जुगार ऍपचा मालक सौरभ चंद्राकर आणि त्याचा व्यावसायिक भागीदार रवी उप्पल यांच्याविरोधात ५ हजार कोटींच्या मनी लॉण्ड्रिंगचे आरोप आहेत. या प्रकरणाचा तपास ईडीकडून सुरू आहे. चंद्राकर आणि उप्पल वॉटेंड असून दोघेही छत्तीसगडचे आहेत.
ईडीतील सुत्रांनी दिलेल्या माहितीनुसार, १८ सप्टेंबर २०२२ रोजी चंद्राकरनं दुबईत एक पार्टी दिली. सप्ततारांकित हॉटेलमध्ये रंगलेल्या पार्टीला बॉलिवूडमधील काही सेलिब्रिटीज उपस्थित होते. त्यांना यासाठी ४० कोटी रुपये देण्यात आले. चंद्राकरचा विवाह फेब्रुवारीत झाला. त्यासाठी त्यानं कुटुंबातील सदस्यांना नागपूरहून दुबईला खासगी विमानानं नेलं. बॉलिवूड कलाकार, वेडिंग प्लानर, डान्सर, डेकोरेटर या सगळ्यांना मुंबईहून दुबईला नेण्यात आलं होतं.
ज्याच्या अंत्यविधीची तयारी सुरू, जिवंत सापडला तो तरुण; संपूर्ण घटनाक्रम कळताच कुटुंब स्तब्ध
दुबईतील लग्न सोहळ्याला बॉलिवूडमधील अनेक कलाकार उपस्थित होते. या सोहळ्यात त्यांनी आपली कलाही सादर केली. या कलाकारांमध्ये अतिफ अस्लम, राहत फतेह अली खान, अली असगर, विशाल ददलानी, टायगर श्रॉफ, नेहा कक्कर, एली अवराम, भारती सिंह, सनी लिऑन, भाग्यश्री, पुल्कित, किर्ती खरबंदा, नुसरत भरुचा, कृष्णा अभिषेक या कलाकारांनी हजेरी लावली. या कलाकारांना तब्बल ११२ कोटी रुपये देण्यात आली. ही रक्कम हवालाच्या माध्यमातून देण्यात आली.
