Lalbaugcha Raja First Look : गणपती बाप्पा मोरया! लालबागचा राजा २०२३ चे प्रथम दर्शन, पाहा एका क्लिकवर
सकल मराठा समाज महाराष्ट्र यांच्याकडून मुंबई पोलिसांना एक पत्र पाठवण्यात आले आहे. या पत्रात लालबागचा राजा मंडळावर गुन्हा दाखल करण्याची मागणी केली आहे. छत्रपती शिवाजी महाराजांची राजमुद्रा लालबागचा राजाच्या पायावर दाखवण्याचा जो प्रयत्न मंडळाने केला, त्यांचा या पाठीमागचा हेतू शिवअनुयायांना कळालेला नाही. या कृतीने लालबागचा राजा मंडळाने शिवप्रेमींच्या भावना दुखावल्या आहेत. गणपती बाप्पा जरी देव असले तरी शिवाजी महाराजांमुळे ते देव्हाऱ्यात आहेत. त्यामुळे ही राजमुद्रा त्यांच्या पायावर असणे पटत नाही म्हणून या मंडळावर गुन्हा दाखल करण्यात यावा, अशी मागणी सकल मराठा समाजाकडून करण्यात आली आहे. हे पत्र सध्या सोशल मीडियावर व्हायरल होत आहे.
लालबागच्या राजाला २६.५ कोटींचं विमा कवच,मंडळानं दोन महिन्यांसाठी मोजले लाखो रुपये, जाणून घ्या कारण…
लालबागचा राजाच्या पायावर शिवमुद्रा
नेमकं काय घडलं?
लालबागचा राजाचे यंदा हे ९० वे वर्ष आहे. यावर्षी गणपती उत्सवासाठी शिवराज्याभिषेकाचा देखावा करण्यात आला आहे. त्याच अनुषंगाने लालबागचा राजाची मूर्ती आणि आजुबाजूची सजावट करण्यात आली आहे. गणेशमूर्तीच्या पितांबरावर नक्षीकाम करण्यात आले आहे. या सजावटीमध्ये गणपतीच्या पायावर शिवमुद्रेची प्रतिमा साकारण्यात आली आहे.
