माझं गाणं चोरून आयपीएलचं अँथम बनवलं, रॅपर कृष्णाने केला गंभीर आरोप

काही दिवसांमध्येच आता आयपीएलला सुरुवात होणार आहे. पण त्यापूर्वी आयपीएलची चांगली प्रसिद्धी व्हावी, यासाठी एक अँथम तयार करण्यात आले होते. पण हे अँथम चोरीचे असल्याचा आरोप रॅपर कृष्णाने केला आहे. काही वर्षांपूर्वी आपण या चालीचे गाणे बनवले होते. तिच चाल या अँथममध्ये वापरण्यात आली आहे, असा आरोप कृष्णाने केला आहे.

वाचा-

आयपीएलने ६ सप्टेंबरला आपल्या सोशल मीडियावर अँथम प्रसिद्ध केले होते. या अँथमला चाहत्यांचा दांडगा प्रतिसाद मिळाला होता. करोना व्हायरसचा हा काळ संकटाचा आहे. त्यामुळे लोकं हैराण झालेले आहेत. पण या काळातही आयपीएल खेळवले जात असल्याचा आनंद चाहत्यांना आहे, असा आशयाचे हे अँथम आहे. आम्ही परत येऊ, या आशयाचे हे अँथम असून जवळपास २० लाख लोकांनी हे अँथम सोशल मीडियावर पाहिलेले आहे.

रॅपर कृष्णाने २०१७ साली एक व्हिडीओ बनवला होता. देखो कौन आया वापस, अशा आशयाचे गाणे या व्हिडीओमध्ये होते. पण हे गाणं चोरून आयपीएलच्या अँथममध्ये वापरण्यात आले आहे, असा आरोप कृष्णाने केला आहे. कृष्णाने आपल्या गाण्याचा व्हिडीओ आणि आयपीएलच्या अँथमचा व्हिडीओ सोशल मीडियावर पोस्ट केला आहे. त्यामुळे आता सोशल मीडियावर हे युद्ध चांगलंच रंगणार असल्याचं दिसत आहे.

वाचा-

कृष्णाने ट्विटरवर व्हिडीओ पोस्ट करत आपली कैफियत मांडली आहे. या ट्विटमध्ये कृष्णाने सांगितले आहे की, ” देख कौन आया वापस, हे गाणं मी २०१७ साली बनवलं होतं. पण हे गाणं डिस्नी प्लस आणि हॉटस्टार यांनी चोरलं आहे. हे गाणं वापरताना त्यांनी माझी परवानगी घेतलेली नाही. त्याचबरोबर या गाण्यासाठी त्यांनी मला श्रेयही दिलेलं नाही. तुम्ही माझं गाणं आणि आयपीएलचं अँथम पाहू शकता…”