गुप्त माहितीवरून वृद्धाच्या घरी धाड पडली; अन् पोलिसांना सापडलं घबाड, मात्र तपासात वेगळंच सत्य समोर, काय घडलं?धुळे शहरात सध्या चोरट्यांनी चांगलाच धुमाकूळ घातला आहे. चोरट्यांना जेर बंद करणे हे पोलिसांसमोर एक मोठे आव्हान उभे असतानाच आज पुन्हा शरद चोरीची घटना घडली आहे. धुळे शहरातील बाबा नगर भागात असलेल्या गफ्फुर शेख यांच्या घरात चोरट्यांनी रात्री प्रवेश करत कपाटातून ३ तोळे सोने आणि ५ ते ६ तोळे वजनाचे चांदीचे दागिने व १० ते १२ हजार रुपयांची रोकड असा लाखोंचा मुद्देमाल लंपास केला.
आज सकाळी शेख गफ्फुर शेख नजीर हे सकाळ झाल्यानंतर कामावर जाण्यासाठी खाली आले असता घरात प्रवेश केल्यानंतर आपल्या घरात घरफोडी झाल्याचे त्यांच्या लक्षात आले. त्यांनी तत्काळ आझाद नगर पोलीस ठाण्याशी संपर्क साधला. पोलिसांनी घटनास्थळी भेट देत पाहणी केली. तसेच श्वान पथक, ठसे तज्ज्ञांना पाचारण केले. ठसे तज्ज्ञ धनंजय मोरे उपस्थित होते. चोरट्यांनी गजबजलेल्या भागात देखील घरांना लक्ष केले असल्यामुळे पोलिसांसमोर आता चोरट्यांना जेरबंद करण्याचे मोठे आव्हान असल्याच्या चर्चा शहरात होत आहे.
