हॉटेलच्या बिलावरून वाद; काँग्रेस नगरसेवकाला मारहाण

म. टा. प्रतिनिधी, : येथील रोडवरील पंचवटी हॉटेलमध्ये जेवण्याचे बिल कमी करण्याच्या कारणावरून नगरसेवक दिलीप बावस्कर यांना केल्याची घटना घडली असून, याप्रकरणी हॉटेल चालक कैलास पडघन, विशाल पडघन, नेताजी (पूर्ण नाव माहीत नाही) यांच्याविरुद्ध गुन्हा दाखल करण्यात आला आहे.

कॉँग्रेसचे नगरसेवक दिलीप दौलतराव बावस्कर व त्यांचे मित्र सचिन विश्वनाथ भालेराव, अब्दुल वहीद अब्दुल हे नंद्राबाद येथील औरंगाबाद – सोलापूर महामार्गवरील पंचवटी हॉटेलमध्ये जेवण करण्यासाठी मंगळवारी (८ सप्टेंबर ) रात्री गेले होते. त्यांनी मेनूकार्ड पाहून जेवणाची ऑर्डर केली. जेवण झाल्यावर मेनूकार्डवरील दराप्रमाणे नऊशे रुपये बिल घेण्यासाठी नगरसेवक बावस्कर यांनी आग्रह धरला. मात्र, हे मेनूकार्ड जुने असून त्याप्रमाणे बिल लावता येत नाही असे पडघनने सांगितले. यावेळी बावस्कर – पडघन यांच्या शाब्दिक चकमक झाली. पडघन याने नगरसेवक दिलीप बावस्कर यांना जातीवाचक शिवीगाळ करत मारहाण केली. विशाल पडघन व नेताजी नावाच्या इसमाने जातीवाचक शिवीगाळ करून काचेची बाटली डोक्यात व हातावर मारून बावस्कर यांना जखमी केले. बावस्कर यांच्यासोबत आलेल्या मित्रांनी मध्यस्थी करून भांडण सोडवले. बावस्कर यांच्यावर खुलताबाद ग्रामीण रुग्णालयात प्राथमिक उपचार करून पुढील उपचारासाठी औरंगाबाद येथील घाटी रुग्णालयात दाखल करण्यात आले आहे.