या प्रकरणी भागूजी यांच्या पत्नी सुरेखा भागूजी केदारी (वय २५) यांनी तळेगाव एमआयडीसी पोलिस ठाण्यात फिर्याद दिली आहे. लक्ष्मण उर्फ खन्ना दादू केदारी (वय २५), दादू भिवा केदारी (वय ४५), अरुण दादू केदारी (वय २२, सर्व रा. ठाकर वस्ती, इंदोरी, ता. मावळ) यांच्या विरोधात गुन्हा दाखल करण्यात आला. पोलिसांनी आरोपी लक्ष्मण आणि दादू यांना अटक केली आहे. लक्ष्मण याच्या पत्नीसोबत भागूजी आणि त्याचा मित्र सुनील केवाळे या दोघांचे अनैतिक संबंध असल्याचा संशय आरोपी लक्ष्मण याला होता. या संशयावरून आरोपींनी आपसात संगनमत करून बुधवारी रात्री साडेनऊ वाजता इंदोरी गावच्या हद्दीत इंदोरी-जांभवडे रोडवर बबन केदारी यांच्या घरासमोर भागूजी यांना गाठले आणि त्यांना बेदम मारहाण केली. त्यानंतर मोठा दगड पाठीवर घालून भागूजी यांचा खून केला. पोलिसांनी आरोपी लक्ष्मण आणि त्याचे वडील दादू या दोघांना ताब्यात घेतले आहे. वरिष्ठ निरीक्षक प्रदीप लोंढे तपास करीत आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
