वाचा:
कांदीवलीतील समतानगर येथे लोखंडवाला कॉम्प्लेक्स परिसरात शुक्रवारी सकाळी ११.३० वाजताच्या सुमारास काही शिवसैनिकांनी हा हल्ला केला. या निवृत्त अधिकाऱ्यावर हा हल्ला झाला आहे. हल्लेखोरांनी केलेल्या मारहाणीत शर्मा यांच्या चेहऱ्याला तसेच डोळ्याला गंभीर इजा झाली आहे. त्यांच्यावर जवळच्या रुग्णालयात उपचार करण्यात आले.
मदन शर्मा यांनी दिलेल्या तक्रारीवरून ६ जणांविरुद्ध भारतीय दंड विधानाच्या कलम ३२५ (गंभीर इजा पोहचवणे ) अन्वये तसेच दंगलीच्या विविध कलमांखाली गुन्हा दाखल करण्यात आला आहे. याप्रकरणी रात्री उशिरा चार शिवसैनिकांना अटक करण्यात आली असल्याचे ट्विट भाजपचे माजी खासदार किरीट सोमय्या यांनी केले आहे. अटक करण्यात आलेल्यांमध्ये शिवसेना शाखाप्रमुख कमलेश कदम व अन्य तिघांचा समावेश असल्याचे सांगण्यात येत आहे. याबाबत पोलिसांकडून अद्याप दुजोरा देण्यात आलेला नाही.
वाचा:
मदन शर्मा यांच्यावरील हल्ला सीसीटीव्ही कॅमेऱ्यात कैद झाला आहे. त्यात शर्मा यांना पाठलाग करून पकडण्यात आल्याचे व मारहाण करण्यात आल्याचे स्पष्टपणे दिसत आहे. या हल्ल्याबाबत शर्मा यांच्या मुलाने अधिक माहिती दिली. माझ्या वडिलांनी एक मेसेज व्हॉट्सअॅपवर फॉरवर्ड केला होता. त्यानंतर त्यांना अनेक फोन येत होते. फोन करून त्यांना घरातून बाहेर बोलावण्यात आले आणि मारहाण करण्यात आली. मारहाण करत असताना तुम्ही भाजपचे काम करता का?, अशी विचारणा हल्लेखोरांनी केल्याचेही शर्मा यांचा मुलगा म्हणाला.
हे गुंडाराज थांबवा: फडणवीस
विरोधी पक्षनेते यांनी जखमी मदन शर्मा यांचा फोटो ट्विट करून मुख्यमंत्री उद्धव ठाकरे यांना जाब विचारला आहे. ‘ही घटना अत्यंत धक्कादायक आहे. केवळ एक व्हॉट्सअॅप मेसेज फॉरवर्ड केल्याने माजी नौदल अधिकाऱ्याला गुंडांनी मारहाण केली आहे. हे गुंडाराज थांबवा. या गुंडांवर कठोर कारवाई व्हायलाच हवी’, अशी मागणी फडणवीस यांनी ट्विटरच्या माध्यमातून केली आहे. भाजप नेते अतुल भातखळकर यांनी या घटनेचे सीसीटीव्ही फुटेज ट्विट करत मुख्यमंत्री घरात बसून हुकूमशाही चालवत असल्याचा निशाणा साधला आहे.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
