धोनीचे आतापर्यंत बरेच लूक सर्वांनी पाहिले आहे. धोनी जेव्हा सुरुवातीला आला होता तेव्हा त्याच्या लांब केसांनी सर्वांनाच मोहिनी घातली होती. त्यानंतर धोनीने आपले केस कापले आणि नवीन लूक चाहत्यांसमोर आणला होता. त्यानंतर धोनीने बरेच लूक बदलले. धोनीने एकदा प्रसिद्ध फुटबॉलपटूच्या केसांचा लूक कॉपी केला होता. त्यावेळीही धोनीच्या या लूकची चर्चा चांगलीच झाली होती.
सध्याच्या घडीला धोनीने कोणता नवीन लूक केला आहे, याची चर्चा क्रिकेट जगतामध्ये आहे. धोनीचा नवीन लूक कसा आहे, हे पाहण्यासाठी त्याचे चाहते आतूर होते. अखेर धोनीचा या हंगामासाठीचा नवा लूक आता सर्वांसमोर आला आहे. धोनीचा हा लूक चाहत्यांच्या पसंतीस आला आहे. त्यामुळे धोनीच्या नव्या लूकचे फोटो चांगलेच व्हायरल झालेले पाहायला मिळत आहेत.
चेन्नई सुपर किंग्ज संघच्या संघात करोना रुग्ण आढळले आणि त्यानंतर सुरेश रैना आणि हरभज सिंग या दोन खेळाडूंनी माघार घेतली त्यामुळे धक्के बसले होते. त्यांनी अन्य संघांच्या तुलनेत उशिरा सराव सुरू केला. असे असेल तरी धोनीने पहिला सामना पुढे ढकलला नाही.
चेन्नई संघ दिवस रात्री सराव करत आहे. चेन्नईच्या सरावातील एक व्हिडिओ सध्या सोशल मीडियावर चर्चेत आला असून या व्हिडिओमध्ये धोनी एक शानदार षटकार मारला. धोनीने मारलेला चेंडू थेट मैदानाबाहेर गेला. चेन्नईचे खेळाडू चेंडू शोधण्यास गेले पण त्यांना तो सापडला नाही. धोनीने जेव्हा षटकार मारला तेव्हा सीमारेषेवर मुरली विजय फिल्डिंग करत होता. धोनीचा षटकार पाहून तो खाली बसला. बॉल मैदानापासून इतक्या लांब गेला की, तो म्हणाला, बॉल गायब झाला. ही पॉवर नाही तर परफेक्ट टायमिंग आहे. यात गोलंदाज देखील काही करू शकत नाही.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
