नवी दिल्लीः लडाखमध्ये एलएसीवर भारत आणि चीनमध्ये तणाव कायम आहे. सीमेवर गेल्या काही महिन्यांपासून सुरू असलेला वाद मिटवण्यासाठी दोन्ही देशातील सैन्यात ब्रिगेड-कमांडर स्तरावर शनिवारी चुशूल येथे बैठक झाली. सकाळी ११ वाजता सुरू झालेली ही बैठक दुपारी ३ वाजेपर्यंत चालली. पण ही बैठक निष्फळ ठरली. येत्या काही दिवसांत दोन्ही देशात कोअर कमांडर-स्तरावर चर्चा होण्याची शक्यता आहे. कोअर कमांडर-स्तरावरील ही सहावी बैठक असेल.

भारतीय लष्कराच्या १४व्या कोअर चे लेफ्टनंट जनरल हरिंदर सिंग आणि दक्षिण शिनजियांग मिलिटरी डिस्ट्रिक्टचे मेजर जनरल लियू लिन यांच्यात ऑगस्टपासून बैठक झालेली नाही. दोन्ही देशांतील सैन्य अनेक ठिकाणी एलएसीजवळ आमने सामने आहेत.

लडाखमधील तणावावर संरक्षणमंत्री राजनाथ सिंह यांनी एक उच्च स्तरीय बैठक घेतली होती. या बैठकीच्या एक दिवसानंतर दोन्ही देशाती ब्रिगेड कमांडर स्तरावर बैठक झाली. पूर्व लडाखमध्ये प्रत्यक्ष ताबा रेषेवर (LAC) वर वाढत्या तणावाच्या दरम्यान भारत आणि चीन यांच्यातील पाच कलमी करारावर चर्चा करण्यासाठी संरक्षणमंत्री राजनाथ सिंह यांना चर्चेसाठी सैन्याच्या वरिष्ठ अधिकाऱ्यांनी सहभागी केले होते.

राष्ट्रीय सुरक्षा सल्लागार (NSA) अजित डोवल, सीडीएस जनरल बिपिन रावत, लष्कर प्रमुख जनरल एमएम नरवणे, हवाई दल प्रमुख आरकेएस भदौरिया आणि नौदल प्रमुख आदित्यपाल सिंह हे वरिष्ठ अधिकारी या चर्चेत सहभागी झाले होते.

चीन सतत भारताची दुबळी बाजू शोधण्याचा प्रयत्न करतो. ती दुबळी बाजू आढळून आली कीम भारताचा भूभाग हडप करण्याचा कट रचतो. पण यावेळी चीन आपल्याच जाळ्यात अडकला आहे. चिनी सैन्याचा कब्जा होण्यापूर्वीच भारतीय लष्कराने पँगाँगच्या दक्षिणेकडील महत्त्वाच्या सामरिक डोंगरांवर ताबा केला आहे. यामुळे चीन बिथरला आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here