वाचा :
वाचा :
लेह-लडाखमध्ये करोना परिस्थिती
उल्लेखनीय म्हणजे, लडाखमध्ये करोना व्हायरसमुळे मृत्युमुखी पडलेल्यांची संख्या ४० वर पोहचलीय. लडाखमध्ये आत्तापर्यंत ३३४५ जण करोना संक्रमित आढळले आहेत. यातील २४३५ रुग्ण बरे झाले आहेत तर ८६९ जणांवर उपचार सुरू आहेत. यातील ४६५ रुग्ण लेहमध्ये तर ४०४ रुग्ण कारगिलमधील आहेत.
१७ करोना संक्रमित
देशावर करोनाचे संकट गडद होत असताना सोमवारपासून सुरू झालेल्या संसदेच्या पावसाळी अधिवेशनाच्या पहिल्याच दिवशी एकूण १७ खासदार करोनाबाधित असल्याचं समोर आलं. या खासदारांच्या करोना चाचण्या संसद भवनातच करण्यात आल्या असून त्यात भाजपच्या बारा खासदारांना करोना संसर्ग झाला आहे. बुलडाण्याचे प्रतापराव जाधव (शिवसेना) आणि नांदेडचे प्रतापराव चिखलीकर पाटील (भाजप) या मराठी खासदारांनाही करोनाची बाधा झाली आहे.
संसदेच्या अधिवेशनाच्या पहिल्या दिवशीच किमान तीस खासदार करोनानं बाधित झाल्याची माहिती आहे. त्यात रेल्वे राज्यमंत्री सुरेश आंगडी, मीनाक्षी लेखी, अनंतकुमार हेगडे, प्रवेश वर्मा, रिटा बहुगुणा जोशी, कौशल किशोर, विद्युत महातो, हनुमान बेनीवाल, सुकांता मुजुमदार, सुखबीरसिंह जौनपुरिया, रामशंकर कथारिया यांच्यासह भाजपच्या किमान डझनभर खासदारांचा समावेश आहे, तर ‘वायएसआर’ काँग्रेसचे दोन, शिवसेना, द्रमुकच्या एका खासदाराचा समावेश आहे. मुंबईचे माजी पोलीस आयुक्त असलेले सत्यपाल सिंह यांनाही करोनाची बाधा झाली आहे.
वाचा :
वाचा :
संसदेत कामकाजाच्या पद्धतीत बदल
देशात शिगेला पोहोचलेल्या करोना संकटाचा प्रभाव संसद भवनाच्या प्रवेशद्वारांवरच आढळत होता. संसद भवनात दाखळ होणाऱ्या प्रत्येक व्यक्तीचे प्रवेशद्वारांवर तापमान आणि करोना अहवाल तपासण्यात आले. ‘निगेटिव्ह’ अहवाल असलेल्यांनाच प्रवेश देण्यात आला. पंतप्रधान मोदी यांच्यापासून सर्व केंद्रीय मंत्री, खासदार, लोकसभा आणि राज्यसभा सचिवालयाचे कर्मचारी, सुरक्षा कर्मचारी मास्क घालून आणि सुरक्षित वावर ठेवून होते. करोनामुळे बाळगाव्या लागणाऱ्या सुरक्षित वावरापोटी लोकसभेच्या १११ खासदारांना राज्यसभेत बसून लोकसभेच्या कामकाजात भाग घ्यावा लागला, तर राज्यसभेच्या खासदारांनीही लोकसभेत बसून राज्यसभेच्या कामकाजात सहभागी व्हावं लागलं. सभागृहात सदस्य मास्क आणि हातमोजे घालून एकमेकापासून किमान दोन मीटर अंतरावर बसलेले दिसले. पंतप्रधान नरेंद्र मोदी, लोकसभा अध्यक्ष ओम बिर्ला आणि राज्यसभेचे सभापती व्यंकय्या नायडू यांच्यासह सर्व सदस्य मास्क घालून कामकाजात सहभागी झाले होते. करोना संसर्ग होऊ नये म्हणून खासदारांना बसूनच निवेदन आणि प्रश्न करण्याचे लोकसभा अध्यक्ष आणि सभापतींनी निर्देश दिले. खासदारांनी मोबाइल अॅपच्या मदतीने हजेरी लावली. लोकसभेच्या कामकाजात पहिल्या दिवशी ३५९ सदस्यांनी भाग घेतला. लोकसभेत लावण्यात आलेल्या मोठ्या स्क्रीनवर राज्यसभेत बसलेले लोकसभेचे खासदार दिसत होते. राज्यसभेतही अशाच मोठ्या स्क्रीनवर लोकसभेत बसलेले राज्यसभेचे सदस्य दिसत होते.
वाचा :
वाचा :
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
