८ सप्टेंबर रोजी रात्री ८ वाजताच्या सुमारास अमरावती मार्गावर बोले पेट्रोल पंपाजवळ एक मादी श्वान रक्तबंबाळ अवस्थेत पडून असल्याचे लोकांना दिसले. याबाबत कळताच पशुप्रेमी अभिषेक तुरक, समीर उके, प्रतीक अरोरा, साहील हे घटनास्थळी पोहचले. या श्वानाच्या दोन्ही डोळ्यांतून रक्त वाहात होते. हे पशुप्रेमी श्वानाला घेऊन डॉ. गौरी कानटे यांच्या पशू दवाखान्यात गेले. तेथे शस्त्रक्रिया करून श्वानाचे दोन्ही डोळे काढावे लागले. त्यामुळे अंध झालेल्या या श्वानाची जबाबदारी आता राइस टू टेल्स य संस्थेने घेतली आहे. ही संस्था या श्वानाची देखभाल करणार आहे. या घटनेनंतर पशुकल्याण अधिकारी अंजली वैद्यार, ईश्वर पोतदार, निकिता बोबडे, प्रतीक अरोरा, कल्याणी व अन्य पशुप्रेमी सीताबर्डी पोलिस स्टेशनला गेले. पोलिसांनी भादंविनुसार गुन्हा दाखल करून आरोपीचा शोध सुरू केला आहे.
…तर करा तक्रार
मोकाट श्वान किंवा अन्य प्राण्यांना मारणे, जखमी करणे, त्यांना मारून टाकणे यावर कायद्याने बंदी आहे. त्याचप्रमाणे, पशुप्रेमींना मारहाण करणाऱ्यालाही शिक्षा होऊ शकते. असे कृत्य करणाऱ्या व्यक्तीला पाच वर्षांचा कारावस व दंड होऊ शकतो. प्राण्यांवर अशाप्रकारे अत्याचार होत असतील तर नजीकच्या पोलिस स्टेशनला तक्रार करण्याचे आवाहन मानद पशुकल्याण अधिकारी स्वप्नील बोधाने यांनी केले आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
