चीनच्या चायना सेंटर फॉर डिजीज कंट्रोलने (सीडीसी) याबाबतची माहिती दिली. करोनाच्या संसर्गाला अटकाव करणाऱ्या लशीची चाचणी अंतिम टप्प्यात आहे. आम्ही यशापासून अवघे काही पावले दूर आहोत. नोव्हेंबर महिन्याच्या पहिल्या आठवड्यापासून आम्ही ही लस सर्वसामान्यजणांसाठी उपलब्ध करून देणार असल्याचेही सीडीसीने साांगितले आहे. चीनच्या तीन लशींची चाचणी अंतिम टप्प्यात आहे. या लशींच्या आधीच्या चाचणीच्या टप्प्यातील परिणाम अतिशय चांगले आले आहेत. या तिन्ही लशींचा वापर अत्यावश्यक सेवेशी निगडीत असलेल्या कर्मचाऱ्यांवर करण्यात आला होता. त्यांना कोणताही त्रास झाला असल्याचे समोर आले नाही. त्याशिवाय या लशी अतिशय परिणामकारक असल्याचे समोर आले आहे.
वाचा:
सीडीसीचे प्रमुख गुईझेन वू यांनी सांगितले की, नोव्हेंबर महिन्यात ही लस सर्वसामान्य जनतेसाठी उपलब्ध करून देण्यात येणार आहे. मी स्वत: देखील ही लस टोचून घेतली असून मला कोणताही त्रास झाला नसल्याचे त्यांनी सांगितले. या तिन्ही लशी चीनच्या नॅशनल फार्मास्युटिकल ग्रुप (सीनोफार्म) आणि सिनोवॅक बायोटेकने विकसित केल्या आहेत. तर, CanSino Biologicsने विकसित केलेली लस लष्करी जवानांना देण्यास जून महिन्यात मंजुरी देण्यात आली आहे. याआधी सिनोफार्मने सामान्यांच्या वापरासाठी डिसेंबर महिन्यात लस उपलब्ध होईल अशी माहिती दिली होती.
वाचा:
वाचा:
दरम्यान, रशिया आणि चीननंतर आता संयुक्त अरब अमिरातीनेही लस वापराला मंजुरी दिली आहे. आपात्कालीन परिस्थितीत लस वापरता येणार आहे. करोना लशीची मानवी सुरू झाल्यानंतरच्या सहा आठवड्यांनी हा निर्णय घेण्यात आला आहे. चीनच्या सिनोफार्म कंपनीने ही लस विकसित केली आहे. सध्या जगभरातील विविध देशांमध्ये लस स्पर्धा सुरू आहेत. अडीच कोटींहून अधिकजणांना करोनाची बाधा झाली आहे. तर, ९ लाख २५ हजारांहून अधिकजणांचा मृत्यू झाला आहे. तर, दुसरीकडे लस स्पर्धाही तीव्र झाली आहे. रशियाने ऑगस्ट महिन्यात लस विकसित केली असल्याची घोषणा केली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
