नवी दिल्लीः संसर्गाच्या पार्श्वभूमीवर संसदेचं पावसाळी अधिवेशन सुरू आहे. संसदेचं अधिवेशन सुरू होण्यापूर्वीच सर्व खासदारांची करोना टेस्ट झाली होती. यापैकी काही जणांचे रिपोर्ट पॉझिटिव्ह आले आहेत. करोनापासून मुक्त होण्यासाठी जगातील अनेक देश लसीवर काम करत आहेत. या क्षणी, लस बद्दल फक्त अंदाज लावले जात आहे.

या सर्व घडामोडींदरम्यान करोना लस देशात कधी उपलब्ध होईल? आणखी किती काळ लागेल? असे प्रश्न संसदेतही उपस्थित केले गेले. खासदारांनी करोना लसीबाबत प्रश्न विचारले. त्यांचे उत्तर आरोग्य मंत्रालयाने दिले आहे. करोना लस कधी येईल याचा निश्चित असा कालावधी सांगता येऊ शकत नाही, असं आरोग्य मंत्रालयाकडून स्पष्ट करण्यात आलं आहे.

सरकारने रशिया किंवा चीनच्या लसीचा औपचारिक अभ्यास सुरू केला आहे की नाही? असा प्रश्नही संसदेत विचारण्यात आला. रशियातील लसीबाबत चर्चा सुरू आहे. पण त्यावर कोणताही औपचारिक अभ्यास सुरू करण्यात आलेला नाही, असं आरोग्य मंत्रालयाने सांगितलं.

देशातील काही कंपन्यांची करोना लस क्लिनिकल चाचण्यांच्या तिसऱ्या टप्प्यात आहे. त्याचबरोबर रशियानेही ही लस बनवल्याचा दावा केला आहे. पंतप्रधान मोदी १५ ऑगस्टला स्वातंत्र्य दिनाच्या निमित्ताने करोनावरील स्वदेशी लसीची घोषणा करतील, असा अंदाज आधी व्यक्त केला जात होता. पण तसं घडलं नाही.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here