पुणे विभागात ऑक्सिजनचा तुटवडा?; जाणून घ्या 'ही' महत्त्वाची माहिती

पुणे: विभागात ऑक्सिजनचा तुटवडा असल्याने प्रशासनाने हालचाली सुरू केल्या असून, येथील जेएसडब्ल्यू या कंपनीकडून दररोज सुमारे ३० मेट्रिक टन ऑक्सिजन पुरविण्यात येत आहे. तसेच ऑक्सिजनच्या टँकरचा कमतरता असल्याने राज्य सरकारने नायट्रोजन आणि हायड्रोजनचे टँकर हे ऑक्सिजनच्या पुरविण्यासाठी वापरण्यास परवानगी दिली आहे. त्यामुळे ऑक्सिजनचा पुरवठा हा सुरळीत होऊ शकणार आहे. ( Latest Updates )

वाचा:

शहरात ऑक्सिजनची टंचाई निर्माण झाल्याने रुग्णांचे हाल होत आहेत. त्यामुळे ऑक्सिजनचा पुरवठा वाढविण्यासाठी विविध उपाययोजना करण्यात येत असल्याचे विभागीय आयुक्त यांनी सांगितले. राव म्हणाले, ‘ऑक्सिजनचा तुटवडा निर्माण होऊ नये, यासाठी रायगड जिल्ह्यातील जेएसडब्ल्यू या कंपनीकडून दररोज सुमारे ३० मेट्रिक टन ऑक्सिजन आणण्यात येत आहे. ऑक्सिजनचा पुरवठा करण्यासाठी टँकरची कमतरता होती. त्यामुळे राज्य सरकारकडे नायट्रोजन आणि हायड्रोजनचे टँकर वापरण्याची परवानगी मागण्यात आली होती. राज्य सरकारने हे टँकर वापरण्यास परवानगी दिली आहे. त्यामुळे टँकरने पुरवठा करण्यातील अडचण दूर झाली आहे.’

वाचा:

‘पुणे विभागातील , सातारा, सांगली आणि सोलापूर या जिल्ह्यांमध्ये ऑक्सिजनचा तुटवडा असल्याने या भागातील बाधित रुग्ण हे पुण्यात येत आहेत. सांगली आणि कोल्हापूरसाठी ऑक्सिजनचा प्रत्येकी एक टँकर हा उपलब्ध करून देण्यात आला आहे. त्यामुळे ऑक्सिजनअभावी पुण्याकडे येणाऱ्या रुग्णांची संख्या ही कमी होऊ शकेल’, असे राव यांनी स्पष्ट केले. ‘ऑक्सिजन उत्पादक कंपन्यांवर देखरेख ठेवण्यासाठी अन्न व औषध प्रशासन, महसूल, पोलीस आणि राज्य उत्पादन शुल्क विभागाच्या अधिकाऱ्यांची पथके नेमण्यात आली आहेत. ऑक्सिजनच्या पुरवठ्याचे नियोजन करण्यासाठी सहा अधिकारी नेमण्यात आले आहेत,’ असे राव म्हणाले.

वाचा:

४९०५ पथके देणार गृहभेटी

‘राज्य सरकारने ‘माझे कुटुंब, माझी जबाबदारी’ या मोहिमेंतर्गत पुणे जिल्ह्यात ४९०५ पथकांकडून गृहभेटी दिल्या जाणार आहेत. या पथकांकडून प्रत्येक व्यक्तीचे तापमान आणि ऑक्सिजनची तपासणी होणार आहे. दोन टप्प्यात ही मोहीम घेतली जाणार आहे. पुणे जिल्ह्यातील एक कोटी १० लाख ३५ हजार ४५५ लोकांची तपासणी करण्यासाठी १४ हजार ७१५ जणांची नेमणूक करण्यात आली आहे. त्यांना ‘करोना दूत’ असे संबोधण्यात येणार आहे. या मोहिमेसाठी राजकीय कार्यकर्ते, स्वयंसेवी संस्था आणि महाविद्यालयीन तरुणांची मदत घेतली जाणार आहे. गृहभेटीसाठी एक आरोग्य कर्मचारी आणि दोन स्वयंसेवक यांचे पथक असणार आहे. एक पथक दिवसाला ५० घरांना भेटी देणार आहे. महाविद्यालयीन तरुणांचा सहभाग वाढविण्यासाठी शिक्षण संस्था आणि शिक्षण मंडळांचे पदाधिकारी यांची बैठक घेण्यात आहे. त्यांच्याकडून स्वयंसेवक उपलब्ध करून देण्याबाबतचा आराखडा सादर केला जाणार आहे’, अशी माहिती राव यांनी दिली.

वाचा: