आशीर्वादनगरमधील द्वारका कॉम्प्लेक्समधील पहिल्या माळ्यावर एसबीआयचे एटीएम आहे. शनिवारी पहाटेच्या सुमारास एक युवक एटीएममध्ये घुसला. त्याने मशीनमध्ये एटीएम कार्ड टाकले. पीन कोड टाकला. मशिनमधून पैसे बाहेर येताच युवकाने मशिनमध्ये पेचकस टाकला. मशिनमधून एक लाख ६६ हजार रुपये बाहेर निघाले. त्यानंतर मशिन बंद पडली. अलार्म वाजला. या मशीनची देखरेख करणाऱ्या कंपनीचे कर्मचारी तेथे पोहोचले. तोपर्यंत चोरटा पसार झाला. आशीर्वादनगर प्रमाणेच चोरट्यांनी याच पद्धतीने हिंगणा टी-पॉइंट, कळमना व म्हाळगीनगरमधील चार एटीएममधून लाखो रुपयांची रोकड केली. निळ्या रंगाचा टी-शर्ट व तोंडाला मास्क लावलेल्या युवकाने ही रक्कम काढल्याचे सीसीटीव्हीत दिसत आहे. आशीर्वादनगर वगळता अन्य तीन प्रकरणांत अद्याप गुन्हा दाखल झालेला नाही.
आणखी बातम्या वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
