वाचा-
मलिंगा आतापर्यंत आयपीएल ही मुंबई इंडियन्सकडून खेळला. मुंबईकडून मलिंगा आतापर्यंत १२२ सामने खेळला. या १२२ सामन्यांमध्ये मलिंगाने १७० बळी मिळवले होते. आतापर्यंत आयपीएलच्या इतिहासामध्ये एका गोलंदाजाला एवढे बळी मिळवता आलेले नाहीत. पण काही गोलंदाज मलिंगाच्या या सर्वाधिक बळी पटकावण्याचा विक्रम मोडण्याच्या प्रयत्नांमध्ये दिसत आहे.
वाचा-
मलिंगाचा सर्वाधिक बळींचा विक्रम मोडण्याची सर्वाधिक संधी ही भारताचा आणि दिल्ली कॅपिटल्स संघाचा फिरकीपटू अमित मिश्राला आहे. अमितने आतापर्यंत आयपीएलमध्ये १४७ सामने खेळले आहेत आणि त्याच्या नावावर १५७ बळी आहेत. त्यामुळे मलिंगाचा सर्वाधिक बळींचा विक्रम मोडण्यासाठी अमितला फक्त १४ बळींची गरज आहे.
वाचा-
मलिंगाचा विक्रम मोडण्याची संधी यावेळी चेन्नई सुपर किंग्स संघाच्या दोन गोलंदाजांना आहे. यामधील पहिला गोलंदाज म्हणजे फिरकीपटू पीयुष चावला. आयपीएलच्या यावर्षीच्या लिलावामध्ये तब्बल ६.७५ कोटी रुपये मोजून चेन्नईच्या संघाने पीयुषला आपल्या संघात स्थान दिले आहे. आतापर्यंतच्या आयपीएलमध्ये पीयुषने १५७ सामने खेळले आहेत आणि त्याच्या नावावर १५० बळी आहेत. त्यामुळे पीयुषला जर मलिंगाचा विक्रम मोडायचा असेल तर त्याला २१ बळींची गरज आहे.
वाचा-
मलिंगाचा विक्रम मोडण्यासाठी सज्ज असलेला चेन्नईचा दुसरा अष्टपैलू क्रिकेटपटू म्हणजे ड्वेन ब्राव्हो. चेन्नईकडून ब्राव्हो आतापर्यंत १३४ सामने खेळला आहे. आतापर्यंतच्या १३४ सामन्यांमध्ये ब्राव्होने १४७ बळी मिळवले आहेत. त्यामुळे या हंगामात २४ बळी मिळवल्यास ब्राव्होला मलिंगाचा विक्रम मोडता येऊ शकतो.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
