मटा. प्रतिनिधी, पिंपरीः करोनाच्या आयसीयु वॉर्डमधून अज्ञात चोरट्यांनी उपचार घेत असलेल्या रुग्णाचा मोबइल फोन चोरून नेला. उपचार घेत असलेल्या रुग्णाचा मृत्यू झाल्यानंतर हा प्रकार उघडकीस आला. ही घटना औंध जिल्हा रुग्णालयात घडली आहे. रुग्णाच्या मोठ्या भावाने सांगवी पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रारदार यांच्या लहान भावाला (वय ४६) कोरोनाची लागण झाली. त्यामुळे त्यांना औंध येथील जिल्हा रुग्णालयात भरती करण्यात आले. त्यानंतर त्यांची प्रकृती खालावल्याने त्यांना आयसीयू वॉर्डमध्ये शिफ्ट करण्यात आले. तिथे उपचार सुरु असताना तक्रारदार यांच्या भावाचा मृत्यू झाला.
दरम्यान, रुग्णालयात उपचार सुरु असताना अज्ञात चोरट्यांनी तक्रारदार यांच्या भावाचा १२ हजार रुपये किमतीचा मोबईल फोन चोरून नेला. याबाबत गुन्हा दाखल करण्यात आला असून सांगवी पोलिस तपास करीत आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
