किंग्स इलेव्हन पंजाबच्या संघातून दिल्ली कॅपिटल्समध्ये आलेल्या आर. अश्विनसाठी हा हंगाम चांगला जाईल, असे दिसत नाही. कारण या सामन्यात एक भन्नाट षटक टाकल्यावर अश्विनला गंभीर दुखापत झाल्याचे समोर आले आहे. त्यामुळे या सामन्यात अश्विन खेळणार की नाही, याबाबत साशंकता व्यक्त केली जात आहे.
अश्विनने दिल्लीच्या विरुद्धच्या सामन्यात पहिलेच षटक भन्नाट टाकले. अश्विनने या षटकात फक्त दोन धावा देत पंजाबच्या गोन फलंदाजांना तंबूचा रस्ता दाखवला. पण या षटकाच्या अखेरच्या चेंडूवर मात्र अश्विनला गंभीर दुखापत झाल्याचे पाहायला मिळाले.
अश्विनच्या षटकाच्या अखेरच्या चेंडूवर ग्लेन मॅक्सवेलने मोठा फटका मारला. हा फटका अडवण्यासाठी अश्विन धावत गेला आणि त्याच्या खांद्याला जबर मार बसला. त्यामुळे अश्विनला दुसरे षटक टाकता आले नाही. अश्विनला दुखापत झाल्यावर संघाच्या डॉक्टरांनी मैदानात धाव घेतली. त्यानंतर त्यांनी अश्विनची दुखापत कोणत्या स्वरुपाची आहे, ते पाहिले. अश्विनची दुखापत गंभीर असल्यामुळे त्याला सामना सोडून जावे लागले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
