म. टा. प्रतिनिधी, पुणे: पुण्यातील करोनाची वाढती गंभीर परिस्थिती लक्षात घेऊन जिल्हा न्यायालयाचे कामकाज एकाच शिफ्टमध्ये सुरु ठेवण्यात यावे म्हणून पुणे बार असोसिएशनतर्फे मुंबई उच्च न्यायालयाकडे करण्यात आलेली मागणी मान्य करण्यात आली आहे. त्यामुळे राज्यात इतर न्यायालयांमध्ये दोन शिफ्टमध्ये कामकाज सुरु झालेले असले तरी पुण्यात पुढील आदेश येईपर्यंत एकाच शिफ्टमध्ये कामकाज सुरु राहणार आहे.
मुंबई उच्च न्यायालयाने दिलेल्या आदेशानुसार सोमवारपासून राज्यातील सर्व न्यायालयांमध्ये दोन शिफ्टमध्ये कामकाज सुरु करण्यात आले. पुण्यातही दोन शिफ्टमध्ये कामकाज सुरु करण्यात येणार होते. मात्र पुण्यातील करोनाची वाढती गंभीर परिस्थिती लक्षात तसेच न्यायालयात पक्षकारांची गर्दी होऊ नये म्हणून एकाच शिफ्टमध्ये कामकाज सुरु ठेवण्यात यावे, अशी मागणी पुणे बार असोसिएशनकडून मुंबई उच्च न्यायालयाकडे करण्यात आली होती.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
