मास्क न वापरल्याबद्दल राज ठाकरेंना भरावा लागला दंड

मुंबई ते मांडवा असे बोटीने अलिबागला कुटूंबीयांसोबत प्रवास करणारे मनसे अध्यक्ष यांनी बोटीतील प्रवासादरम्यान मास्क वापरला नव्हता. सार्वजनिक ठिकाणी मास्क परिधान न केल्याचा नियम त्यांच्या लक्षात आणून देताच, त्यांनी लगेचच एक हजार रुपयांचा दंडही भरल्याचा किस्सा समोर आला आहे.

राज ठाकरे शुक्रवारी त्यांच्या कुटुंबीयांसोबत मुंबई-मांडवा असा रो-रो फेरी बोटीने अलिबागला प्रवास करीत होते. त्यांच्यासोबत मनसेचे माजी आमदार आणि नेते हे देखील होते. रो-रो बोटीत प्रवाशांनी धुमप्रान करू नये आणि मास्क परिधान करावा, अशी उद्घोषणा यावेळी बोटीमध्ये करण्यात येत होती. मात्र, बहुधा राज ठाकरे यांच्या लक्षात ही बाब आली नसावी. परिणामी राज ठाकरे बोटीवरच्या मोकळ्या जागेत मास्क न परिधान करताच उभे होते. यावेळी त्यांनी सिगारेटही शिलगावली होती. हा सर्व प्रकार रो-रो बोटीवरील अधिकाऱ्यांच्या लक्षात आल्यानंतर त्यांनी लगेचच राज ठाकरे यांना त्यांच्या नियमाविषयी प्रांजळपणे माहिती दिली. राज ठाकरे यांनाही आपली चूक लक्षात येताच दिलगिरी तर व्यक्त केलीच. शिवाय नियमाप्रमाणे एक हजार रुपयांचा दंडही भरला.