राज ठाकरे हे शुक्रवारी त्यांच्या कुटुंबीयांसोबत रो-रो फेरी बोटीने अलिबागकडे जात होते. त्यावेळी रो-रो बोटीत प्रवाशांनी धुमप्रान करू नये आणि मास्क परिधान करावा, अशी उद्घोषणा केली जात होती. ही बाब राज ठाकरे यांच्या लक्षात आली नसावी. ते बोटीवरच्या मोकळ्या जागेत मास्क न परिधान करताच उभे होते. यावेळी त्यांनी सिगारेटही शिलगावली होती. या चुकीबद्दल त्यांना नियमानुसार एक हजार रुपये दंड भरावा लागला, असं वृत्त प्रसिद्ध झालं होतं. सरदेसाई यांनी हे वृत्त फेटाळलं आहे.
वाचा:
नितीन सरदेसाई यांनी या संदर्भात एक पत्रक प्रसिद्ध केलं आहे. ‘मुंबई-मांडवा प्रवासादरम्यान मी स्वत: राज ठाकरे यांच्यासोबत होतो. त्यावेळी अशी कोणतीही घटना घडली नव्हती. या संदर्भातील बातमी चुकीची आहे. केवळ ऐकीव माहितीवर ही बातमी देण्यात आली आहे. अशा बातम्यांमुळं लोकांची दिशाभूल होते. बातमी देण्यापूर्वी संबंधितांनी खातरजमा करायला हवी होती,’ असं सरदेसाई यांनी म्हटलं आहे.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
