सिंधुदुर्ग: जिल्ह्यात संसर्गाचा फैलाव दिवसेंदिवस वाढत असून असून कमी मनुष्यबळामुळे आता प्रशासन हतबल झाले आहे. वाढत्या रुग्णसंख्येला कसे रोखावे याचे आव्हान प्रशासनापुढे आहे. जिल्हा रुग्णालयाकडे मनुष्यबळ नाही, आवश्यक त्या सुविधा नाहीत, त्यामुळे रुग्णांवर उपचार करताना व्यत्यय येत आहे. दरम्यान, बुधवारी जिल्ह्यात १३३ रुग्ण नव्याने आढळले असून एकूण रुग्णसंख्या ३२९८ इतकी झाली आहे. बरे होऊन घरी परतलेल्या रुग्णांची संख्या २०७२ इतकी आहे. मध्यंतरीचे एक-दोन दिवस वगळता झपाट्याने रुग्णसंख्या वाढत आहे. ( Latest News )

वाचा:

जिल्ह्यातील कणकवली शहरात करोनाचा कहर सुरू आहे. २७ सप्टेंबरपर्यंत कणकवली, खारेपाटण, तळेरे या बाजारपेठा बंद ठेवण्यात आल्या आहेत. त्यातच जोराचा पाऊस असल्याने वैद्यकीय सेवा सुविधा रुग्णापर्यंत पोहचण्यात अडचणी येत आहेत. ही संपूर्ण स्थिती लवकरच सुधारेल व करोना संसर्गाचे प्रमाण आटोक्यात येईल, असा आशावाद जिल्हाधिकारी के.मंजुलक्ष्मी यांनी व्यक्त केला आहे.

वाचा:

सिंधुदुर्ग जिल्हा रुग्णालयात २६७ पेक्षा जास्त वैद्यकीय अधिकाऱ्यांसह विविध प्रकारची पदे रिक्त आहेत. त्याचा मोठा फटका या साथीच्या संकटात बसत आहे. हा प्रश्न भाजपाचे प्रदेश चिटणीस यांनी ऐरणीवर आणला आहे. जठार यांनी सिंधुदुर्ग जिल्हा रुग्णालयात करोना पॉझिटिव्ह असलेल्या रुग्णांसोबत संवाद साधला. तेथील अडचणी जाणून घेतल्यानंतर जिल्हाधिकाऱ्यांची भेट घेतली. या भेटीनंतर जिल्हा रुग्णालयातील रिक्त पदे जाहिरात दिली तरी देखील आवश्यक असलेला डॉक्टर व कर्मचाऱ्यांचा अपेक्षित प्रतिसाद देत नाहीत, असे सांगण्यात आले. ही बाब लक्षात घेऊन मुंबईत आंबेरकर मल्टीस्पेशालिटी हॉस्पिटल या खासगी हॉस्पिटलशी चर्चा केली. त्यांनी सिंधुदुर्गात अत्यावश्यक असलेले मनुष्यबळ पुरवण्याची तयारी दर्शवली आहे. त्याच्या खर्चाचा प्रस्ताव त्यांनी तयार केला असून तो जिल्हाधिकाऱ्यांकडे सादर करण्यात आला आहे. त्यामध्ये तज्ञ डॉक्टर, नर्स, आरोग्य सेवक, आरोग्य सेविका, वार्ड बॉय व अन्य लागणारी सर्व यंत्रणा उभी करण्याचा त्यांनी विश्वास दिलेला आहे. त्यामुळे सिंधुदुर्ग जिल्हाधिकारी व पालकमंत्र्यांनी त्या प्रस्तावावर विचार करावा व संबंधित संस्थेशी चर्चा करावी. जिल्हा प्रशासनाला तो खर्च परवडत नसेल तर फरकाची रक्कम काय आहे? याची माहिती द्यावी ती रक्कम आम्ही महाराष्ट्र शासन किंवा लोकवर्गणीतून गोळा करू असे प्रमोद जठार यांनी सांगितले. दरम्यान, खासदार श्रीकांत शिंदे फाउंडेशन मार्फत जिल्ह्याला रुग्णवाहिका मिळाली आहे. या रुग्णवाहिकेचे लोकार्पण आज मालवण कुडाळचे आमदार वैभव नाईक यांच्या हस्ते होणार आहे.

वाचा:

Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times

LEAVE A REPLY

Please enter your comment!
Please enter your name here