'या' नगरपालिकेत शिवसेना-भाजप पुन्हा आले एकत्र

राज्यात काँग्रेस, राष्ट्रवादी काँग्रेस व शिवसेनेचे अस्तित्वात आहे, मात्र वैजापूर नगर पालिकेच्या नुकत्याच झालेल्या विषय समित्यांच्या निवडणुकीत पूर्वाश्रमीचे मित्रपक्ष व पुन्हा एकत्र आले. त्यामुळे नगरपालिकेत सर्वाधिक ११ सदस्य संख्या असलेल्या शिवसेनेकडे तीन व भाजपकडे स्थायी समितीसह चार समित्यांचे सभापतिपद आले आहे.

सहा विषय समित्यांपैकी चार समित्यांचे सभापतिपद महिलांकडे व दोन समित्यांचे सभापतिपद पुरुषांकडे गेले आहे. त्यांची बिनविरोध निवड झाली आहे. नगर पालिकेत शिवसेना व भाजपचे वर्चस्व असून काँग्रेसचा केवळ एक नगरसेवक आहे. सार्वजनिक बांधकाम विभागाच्या सभापतिपदी शिवसेनेचे उपनगराध्यक्ष साबेरखान अमजदखान यांची निवड झाली आहे. सार्वजनिक आरोग्य व स्वच्छता समितीच्या सभापतिपदी शिवसेनेचे सखाहरी लक्ष्मण बर्डे, पाणीपुरवठा व जलशुद्धीकरण समितीच्या सभापतिपदी शिवसेनेच्या सुप्रिया विनायक व्यवहारे यांची बिनविरोध निवड झाली आहे. शिवसेनेचे तालुकाप्रमुख व नगरसेवक सचिन उर्फ बंडू वाणी यांची स्थायी समितीच्या सदस्यपदी निवड झाली आहे. क्रीडा व सांस्कृतिक विभाग समितीच्या सभापतिपदी भाजपच्या माधुरी दशरथ बनकर, नियोजन समितीच्या सभापतिपदी भाजपच्या जयश्री दिनेश राजपूत व महिला व बालकल्याण समितीच्या सभापतिपदी लताबाई अंकुश मगर यांची निवड झाली आहे.

नगराध्यक्षा शिल्पा परदेशी (भाजप) या स्थायी समितीच्या पदसिद्ध अध्यक्ष असल्याने भाजपकडे स्थायी समितीसह चार समित्यांचे सभापतिपद आहे. उपविभागिय अधिकारी यांच्या अध्यक्षतेखाली झालेल्या विशेष सभेत ही निवड करण्यात आली. या सभेला मुख्याधिकारी भागवत बिघोत यांच्यासह नगरपालिका कर्मचाऱ्यांची उपस्थिती होती.