जगातील सर्वोत्तम श्रेणीच्या लढाऊ विमानांपैंकी एक असलेल्या ‘राफेल’ची पहिली महिला फायटर पायलट बनण्याचा मान शिवांगी सिंह यांना मिळालाय. राफेल वायुसेनेतील ”ची जागा घेताच शिवांगीही आपल्या नव्या भूमिकेत दाखल होणार आहेत.
शिवांगी यांचं ” सुरू
उत्तर प्रदेशच्या वाराणसीची रहिवासी असलेल्या शवांगी सिंह सध्या ‘कन्व्हर्जन ट्रेनिंग’ पूर्ण करत आहेत. ही ट्रेनिंग पूर्ण झाल्यानंतर वायुसेनेच्या अंबाला बेसवर १७ गोल्डन अॅरोज स्क्वॉड्रनमध्ये त्या औपचारिक एन्ट्री घेतील. कोणत्याही पायलटला एका विमानानंतर दुसऱ्या पद्धतीच्या विमानातून उड्डाण घेण्यासाठी कन्व्हर्जन ट्रेनिंगची आवश्यकता असते. शिवांगी यांनी या अगोदर ‘मिग २१ बायसन’मधून उड्डाण घेतलेलं असल्यानं त्यांच्यासाठी ‘राफेल’ हे विमान नवीन आहे. हे आव्हानात्मक असलं तरी शिवांगी यांच्यासाठी मात्र हे नक्कीच कठीण नाही. त्याचं कारण म्हणजे मिग २१ हे विमान ३४० किलोमीटर प्रती तासाच्या वेगानं जगातील सर्वात जलद गतीनं लँडिंग आणि टेक-ऑफ करणारं विमान आहे.
बनारस हिंदू युनिव्हर्सिटी (BHU) मधून आपलं शिक्षण पूर्ण करणाऱ्या शिवांगी सिंह महिला पायलटच्या दुसऱ्या बॅचच्या सहभागी आहे. २०१७ मध्ये त्या हवाईदलात सहभागी झाल्या होत्या. भारतीय हवाई दलात लढाऊ विमानांसहीत उड्डाण घेणाऱ्या १० महिला पायलट आहेत. या सर्वांनी सुपरसोनिक जेटसहीत उड्डाण घेण्याचं कठीण ट्रेनिंगही पूर्ण केलंय. एका पायलटच्या ट्रेनिंगवर जवळपास १५ कोटी रुपयांचा खर्च येतो.
संबंधित बातम्या :
वाचा :
वाचा :
अभिनंदन वर्धमान यांच्यासोबत उड्डाणाचा अनुभव
फ्लाईट लेफ्टनंट शिवांगी सिंह याअगोदर राजस्थानच्या फॉरवर्ड फायटर बेसवर तैनात होत्या. इथं त्यांनी अनेकदा विंग कमांडर अभिनंदर वर्धमान यांच्यासोबत उड्डाण घेतलं होतं. बालाकोट एअर स्ट्राईकनंतर भारतीय हवाई हद्दीत घुसण्याचा प्रयत्न करणाऱ्या पाकिस्तानी फायटर जेटचा पाठलाग करत अभिनंदन वर्धमान यांचं मिग २१ विमान पाकिस्तानी सीमेत जाऊन कोसळलं होतं आणि पाकिस्ताननं त्यांना आपल्या ताब्यात घेतलं होतं. त्यानंतर भारताचा इशारा आणि आंतरराष्ट्रीय दबावामुळे पाकिस्तानकडून अभिनंदन यांना सन्मानासहीत मुक्त करण्यात आलं होतं.
‘महिला फायटर पायलट’ची पहिली बॅच
फ्लाईट लेफ्टनंट अवनी चतुर्वेदी, फ्लाईट लेफ्टनंट भावना कांत आणि फ्लाईट लेफ्टनंट मोहना सिंह भारतीय वायुसेनेतील पहिल्या बॅचच्या ‘महिला फायटर पायलट’ ठरल्या होत्या. त्यांना जून २०१६ मध्ये याचं बेसिक ट्रेनिंग देण्यात आलं होतं.
इतर बातम्या :
वाचा :
वाचा :
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
