अमेरिकन प्रशासनाने अर्थव्यवस्थेला सावरण्यासाठी आर्थिक पॅकेज देण्याची तयारी सुरू केली आहे. त्यामुळे डॉलर इंडेक्सवर परिणाम झाला. त्यामुळे धातूंमध्ये चढ उतार दिसत आहेत, असे त्यांनी सांगितले. युरोपात करोनाची दुसरी लाट आल्याच्या भीतीने गुंतवणूकदारांची झोप उडाली आहे. यामुळे त्यांनी सोने आणि चांदीमधील गुंतवणूक काढून घेण्याचा सपाटा लावला आहे. परिणामी कमॉडिटी बाजारात या दोन्ही मौल्यवान धातूंच्या किमतींना उतरती कळा लागली आहे.
मल्टी कमॉडिटी एक्सचेंजवर मात्र शुक्रवारी बाजार बंद होताना सोने प्रती १० ग्रॅम ४९६६६ रुपयांवर स्थिरावले. त्यात २६८ रुपयांची घसरण झाली. चांदीच्या भावात देखील ६११ रुपयांची घसरण झाली आणि चांदीचा भाव एक किलोला ५९०१८ रुपये झाला.
सोन्यावर ३ टक्के वस्तू आणि सेवा कर तसेच घडणावळ मजुरी आकारली जाते. त्यामुळे प्रत्यक्ष बाजारात सोन्याच्या किंमतीत ४ ते ५ हजारांची वाढ होते. बुधवारी सोने ९५० रुपयांनी आणि चांदी २७०० रुपयांनी स्वस्त झाली होती. गेल्या आठवड्यात शेवटच्या सत्रात शुक्रवारीचांदीचा भाव ६७३८७ रुपये होता. सोन्याच्या तुलनेत चांदीमध्ये मोठ्या प्रमाणात घसरण झाली आहे. तीन सत्रात चांदीमध्ये ८००० रुपयांची घसरण झाली आहे.
goodreturns या वेबसाईटनुसार आज शनिवारी मुंबईत २२ कॅरेट सोन्याचा भाव ४८३०० रुपये आहे. २४ कॅरेटसाठी तो ४९३०० रुपये आहे. दिल्लीत २२ कॅरेट सोन्याचा भाव ४८६०० रुपये आहे. तर २४ कॅरेटसाठी तो ५३०२० रुपये आहे. कोलकात्यात २२ कॅरेट सोन्याचा भाव ४९१४० रुपये आहे. तर २४ कॅरेटसाठी तो ५१८४० रुपये आहे. चेन्नईत २२ कॅरेट सोन्याचा भाव ४७८०० रुपये आहे. तर २४ कॅरेटसाठी तो ५२१४० रुपये आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
