शनिवारी मुंबईतील ग्रँड ह्यात हॉटेलमध्ये आज संजय राऊत आणि फडणवीस यांची भेट झाली. या दोन्ही नेत्यांमध्ये तब्बल अडीच ते तीन तास चर्चा झाल्याची माहिती. आहे. शिवसेनेचं मुखपत्र असलेल्या ‘सामना’ वृत्तपत्राच्या मुलाखतीसाठी संजय राऊत आणि फडणवीस भेटले असल्याचं, प्रवीण दरेकर यांनी नमूद केलं आहे.
‘संजय राऊत यांनी सामनासाठी देवेंद्र फडणवीस यांची मुलाखत घेण्याची इच्छा बोलून दाखवली होती. या मुलाखतीवर चर्चा करण्यासाठी एकदा भेटण्याचे ठरले होते. ती संपूर्ण मुलाखत अनएडिट व्हावी, अशी देवेंद्र फडणवीस यांची इच्छा होती. त्यामुळं एकदा भेटून मुलाखतीचे स्वरुप ठरवण्यासाठी ही भेट घेतली आहे. या भेटीला कोणताही राजकीय संदर्भ नाही,’ असं स्षष्टीकरण प्रवीण दरेकर यांनी दिलं आहे.
आज दुपारी दीड वाजता राऊत आणि फडणवीस ग्रँड ह्यात हॉटेलमध्ये भेटले. दोघांमध्ये तब्बल तीन सात चर्चा झाली. बंद दाराआड झालेल्या या गुप्त भेटीमुळं पुन्हा एकदा राजकारण फिरणार का? अशा चर्चा माध्यमांमध्ये रंगल्या होत्या.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
