बाकू: आर्मेनिया आणि अजरबैझान या दोन देशांमध्ये रविवारी सुरू झाले. आतापर्यंत १६ जण ठार झाले आहेत. यामध्ये दोन्ही देशांतील सामान्य नागरिकांचा समावेश आहे. तर, तुर्कीने अजरबैझानला आपला पाठिंबा जाहीर करत सर्व प्रकारची मदत करण्याचा निर्णय घेतला आहे. तुर्कीचे राष्ट्रपती एर्दोगन यांनी तर आर्मेनियातील नागरिकांना आपल्या सरकारविरोधातच आंदोलन छेडण्याचे आवाहन केले आहे.

तुर्कीचे राष्ट्रपती एर्दोगन यांनी रविवारी अर्मेनियातील लोकांना आपल्या भविष्यासाठी आंदोलन करण्याचे आवाहन केले. त्यांनी ट्विट करून सांगितले की, आर्मेनियातील लोकांनी आपल्या भविष्यासाठी आर्मेनिया सरकारविरोधात आंदोलन छेडावे. सरकार जनतेला संकटाच्या खाईत लोटत असल्याचा आरोपही एर्दोगन यांनी म्हटले.

वाचा:

नागोर्नो-कारबाख सैन्याचे उपप्रमुख अरतुर सरकिसयान यांनी सांगितले की, या लढाईत आतापर्यंत १६ जण ठार झाले आहेत. तर, १०० हून अधिकजण जखमी झाले आहेत. दोन्ही देशांना ४४०० चौकिमी क्षेत्रफळ असणाऱ्या नागोर्नो-काराबाख भागावर ताबा मिळवायचा आहे. तर, दुसरीकडे नागोर्नो-काराबाख स्वत:ला एक स्वतंत्र देश असल्याचा दावा करत आहे.

वाचा:

युद्धामुळे आर्मेनिया देशाने मार्शल लॉ लागू केला आहे. त्याशिाय अझरबैझानने दोन हेलिकॉप्टर मारले असल्याचा दावा केला आहे. तर, अझरबैझानने आर्मेनियाचा हा दावा फेटाळून लावला आहे. एक हेलिकॉप्टर दुर्घटनाग्रस्त झाले असून पायलट सुरक्षित असल्याची माहिती अझरबैझानच्या संरक्षण मंत्रालयाने दिली आहे.

वाचा:

आर्मेनियाने अझरबैझानचे तीन रणगाडे उद्धवस्त केले असल्याचा व्हिडिओ जारी केला आहे. यामध्ये आर्मेनियाच्या अॅण्टी टँक मिसाइलने अझरबैझानचे रणगाडे उद्धवस्त केले. आर्मेनियाच्या संरक्षण खात्याचे प्रवक्ते शुशन स्टीफानन यांनी सांगितले की, आर्मेनियाच्या जवानांनी अझरबैझानचे दोन हेलिकॉप्टर आणि तीन रणगाडे उद्वस्त केले आहेत.

वाचा:

तुर्कीकडून युद्धाच्या आगीत तेल ओतले जात असताना रशियाने दोन्ही देशांना युद्ध थांबवण्याचे आवाहन केले आहे. दोन्ही देशांच्या वादात रशिया मध्यस्थी करू शकते. मात्र, युद्ध थांबवणे आवश्यक असल्याचे रशियाने म्हटले. परराष्ट्र मंत्रालयाच्या प्रवक्त्या मारिया जखारोवा यांनी सांगितले की, रशियाचे परराष्ट्र मंत्री सर्गेई लावरोव यांनी युद्ध थांबवण्यासाठी आणि दोन्ही देशांशी चर्चा सुरू करण्यासाठी संपर्क साधला असल्याची माहिती त्यांनी दिली.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here